1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Беларусь

Яшчэ адзін апазіцыянер стаў невыязным

У так званы “спіс невыязных” трапіў яшчэ адзін актывіст апазіцыі – нядаўні палітвязень, намеснік старшыні “Маладога Фронту” Артур Фінькевіч. Днямі яго спрабавалі не пусціць у Літву на памежным пункце “Каменны Лог”.

default

Але гэтым разам маладзёну яшчэ ўдалося праехаць у Вільню дзякуючы дазволу асобна ўзятага памежнага начальніка. Аднак, па вяртанні ў Беларусь у пашпарт Артура Фінькевіча ўсё ж быў пастаўлены штамп, што ён часова пазбаўлены права пакідаць краіну.

Адбытае з ім на беларуска-літоўскай мяжы палітык пракаментаваў такім чынам: “Я ехаў па падпісанне пагаднення з нашымі партнёрамі – моладзевымі хрысціянскімі дэмакратамі Літвы. На гэтым урачыстым падпісанні прысутнічалі прадстаўнікі Міністэрстваў замежных справаў Літвы, Чэхіі, а таксама першы сакратар амбасады ЗША ў Беларусі Луіс Крышак. Быў таксама шэраг сустрэчаў з дастаткова ўплывовымі літоўскімі асобамі.

Беларускім спецслужбам стала гэта вядома, і яны вырашылі не дапусціць гэтага падпісання, не дапусціць майго праезду на тэрыторыю Літвы, не дапусціць гэтых сустрэчаў. Відавочна, што беларускія ўлады баяцца моладзі, баяцца “Маладога Фронту”, і гэта пацвярджаюць сорак восем крымінальных справаў у дачыненні да маладафронтаўцаў на працягу апошніх двух год”, - адзначыў намеснік старшыні “Маладога Фронту” Артур Фінькевіч.

Контекст