1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Беларусь

Юшчанка прапануе Расіі замарозіць кошты на газ да 10 студзеня

Прэзідэнт Украіны Віктар Юшчанка прапанаваў замарозіць кошты на расійскі газ да 10 студзеня, калі мусяць аднавіцца перамовы па газавай праблеме. У сваю чаргу, “Газпрам” заявіў, што лічыць непрымальным гэтую прапанову ўкраінскага лідэра. Паводле прэсавага сакратара канцэрну, праз 10 дзён Украіна пажадае зноўку замарозіць кошты. Цяпер “Газпрам” прапануе Украіне закупаць газ у 2006 годзе па 230 даляраў за кубічны метр. Украінскі бок лічыць гэтыя ўмовы непрымальнымі і прапануе закупаць газ па 80 даляраў да тысячу кубаметраў. У выпадку адмовы “Газпраму” ад умоваў украінскага боку апошні абяцае звярнуцца ў Міжнародны арбітражны суд у Стакгольме. Раней Расія пастаўляла газ Украіне па 50 даляраў за тысячу кубаметраў. Нагадайма, што старшыня праўлення “Газпраму” Аляксей Мілер прыгразіў спыніць пастаўкі газу ва Украіну а 10-й гадзіне 1 студзеня, калі не будзе падпісаны кантракт аб пастаўках на газпрамаўскіх умовах.