1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Беларусь

Чарговы “хапун” у беларускай сталіцы

Более 20 человек были задержаны в Минске в воскресенье вечером во время попытки провести акцию против отмены льгот учащейся молодёжи.

Власти запретили представителям различных демократических молодёжных организаций провести митинг на площади Бангалор, когда же более сотни молодых людей направились в сторону парка имени Янки Купалы, против них были брошены силы ОМОНа, которые хватали юношей и девушек и бросали их в автозаки, после чего отвозили в различные райотделы милиции столицы.

Мэтаю меркаванае акцыі было выказаць пратэст супраць намеру кіраўніцтва краіны пазбавіць шырока кола насельніцтва ўсялякіх ільготаў. У тым ліку й моладзь, якая больш не будзе мець магчымасці на 50-адсоткавую аплату праезду ў транспарце.

Арганізатарамі выступілі розныя дэмакратычныя моладзевыя структуры – Задзіночанне беларускіх студэнтаў, Малады фронт, Моладзь БНФ, Грамадзянскі форум, Вольная моладзь. Улады адмовілі заяўнікам у правядзенні мітынгу на плошчы Бангалор пад маркаю таго, што акурат у час яго правядзення ў парку Дружбы народаў, дзе месціцца подыюм, мелася адбыцца добраўладкаванне. На гэта арганізатары прапанавалі чыноўнікам Мінгарвыканкаму даць ім дазвол далучыцца да прыборкі тэрыторыі, нават прадаставіць адпаведны рыштунак, а потым яны меркавалі проста паспяваць песні пад гітару, правесці перформанс. Аднак, і на гэта гарадское начальства не пагадзілася. Ад чацвертай гадзіны дня міліцыянты абшуквалі ўсіх, хто спрабаваў, нават не маючы дачынення да падзеяў, проста прайсці праз Парк дружбы народаў. У многіх патрабавалі прад’явіць дакументы. Ужо да пачатку збору моладзі ў месцы меркаванай акцыі адбыліся першыя прэвентыўныя затрыманні. Сярод схопленых былі адзін з лідэраў Моладзі БНФ Франак Вячорка, кіраўнік гэтай арганізацыі Алесь Каліта ды некаторыя іншыя. Чаму ж свядомыя маладзёны ўсё ж вырашылі ісці на Бангалор? Гаворыць актывіст Моладзі БНФ Ілля Богдан:

"Мы вырашылі аргкамітэтам, што мы ўсё ж прыйдзем туды, збярэм народ,такім чынам распачнем кампанію па абароне ільготаў, і проста збярэмся разам, будзем спяваць песні, дапаможам прыбраць Парк дружбы народаў – на падставе яго прыборкі нам забаранілі мітынг – але, нажаль, супрацоўнікі міліцыі нават не пусцілі нас у парк".

Многія ўдзельнікі акцыі трымалі на галовах маскі з доўгімі вушамі. Што гэта азначала, паведаміў адзін з заяўнікаў акцыі Мікіта Красноў:

"Мы абралі для сябе сымбаль зайцаў. Мы разумеем, што калі ў нас не будзе ільготаў, мы зможам ездзіць толькі зайцамі. Улада сёння забіаре палову нашай стыпендыі, і мы не зможам аплочваць нашы квіткі на праезд".

Пасля таго, як маладзёнаў не пусцілі ў парк, яны вырашылі пайсці ў іншы парк – імя Янкі Купалы. Але прайсці ім было наканавана толькі некалькі соцень метраў – на найбліжэйшым скрыжаванні да іх рванулі аўтазакі, адкуль выскачылі дзесяткі амапаўцаў, і пачаўся хапун. Схапілі каля 15 чалавек. Праз некалькі хвілінаў – яшчэ хапун, калі падавалася, што моладзь разыходзіцца. Яшчэ затрыманыя. Усіх схопленых – больш за 20 чаалвек - адвезлі ў Савецкі і Цэнтральны РАУСы Мінску. Кіраўнік мінскай арганізацыі “Маладога фронту” Зміцер Хведарук назваў дзеянні міліцыі бязмежжам:

"Гэта чарговыя міліцэйскія бясчынствы і паказчык таго, што ўлада імкнецца ўсімі крокамі і далей “стабілізаваць”, так бы мовіць, палітычную актыўнасць у нашай краіне, не пускаючы людзей ужо нават на плошчу Бангалор".

Акцыя ў нядзелю мелася стаць толькі пачаткам кампаніі дэмакратычнае моладзі па адстойванні ільготаў. 23 жніўня маладзёны збіраюцца ад апоўдня ездзіць па цэнтры гораду на роварах і скейтбордах, а на 9-на верасня, у дзень, калі закон аб адмене ільготаў можа ўступіць у сілу, у цэнтры Мінску моладзевыя актывісты збіраюцца правесці ўжо сур’ёзную масавую акцыю.

Контекст