1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Беларусь

Сустаршыня “Маладога фронту” далучаецца да галадоўкі пратэсту

Сустаршыня «Маладога фронту» Зміцер Дашкевіч, якога сёння адпусцілі са спецпрыёмніка-размеркавальніка на вуліцы Акрэсціна ў Мінску, заявіў, што далучаецца да галадоўкі пратэсту супраць крымінальнага пераследу актывістаў яго арганізацыі. Галадоўка працягваецца цяпер у некалькіх гарадах Беларусі. Сёння ж галадоўку аб'явіў яшчэ адзін маладафронтаваец – Артур Фінькевіч, які таксама ў гэты дзень выйшаў на волю пасля 15 сутак адміністратыўнага арышту. Такім чынам, цяпер удзел у галадоўцы бяруць ужо 28 чалавек. Сёння ж ураніцу маладзёнаў, што галадаюць у Салігорску, наведалі медыкі. Яны пракантралявалі стан здароўя ўдзельнікаў акцыі і заявілі, што маюць намер двойчы штодня наведваць галадоўцаў - уранку і ўвечары.