1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Беларусь

Працэс супраць Беларускага Хельсінскага камітэту прыпынілі

Працэс супраць Беларускага Хельсінскага камітэту прыпынілі. Такое рашэнне прыняў суддзя Вышэйшага суду Мікалай Бабкоў, які разглядае заск Міністэрства юстыцыі да праваабарончай арганізацыі. Працэс адновіцца пасля таго, як у Вышэйшым гаспадарчым судзе Беларусі будзе разгледжаная скарга БХК на рашэнне, якім летась праваабаронцаў абавязалі сплаціць больш за 80 тысячаў даляраў падаткаў і штрафных санкцыяў. Нагадайма, што судовыя спрэчкі вакол таго, ці мусіць БХК плаціць падаткі з міжнароднай тэхнічнай дапамогі, цягнуцца каля двух гадоў. З той прычыны, што Беларускі Хельсінскі камітэт адмаўляецца плаціць грошы, Мінюст патрабуе прыпыніць дзейнасць самай вядомай праваабарончай арганізацыі краіны.