1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Беларусь

Новы крок АДС да парламенцкіх выбараў

Кампанія “За свабодныя выбары” падрыхтавала адзіны спіс кандыдатаў у дэпутаты ад Аб’яднаных дэмсілаў у акруговыя выбаркамы. Ён будзе накіраваны ў Цэнтравыбаркам, міжнародныя арганізацыі і прэзентаваны грамадскасці.

default

Падрабязнасці пра спіс патэнцыйных сябраў выбаркамаў на сустрэчы з журналістамі ў панядзелак выклаў каардынатар кампаніі “За свабодныя выбары” Віктар Карняенка. “Пры распрацоўцы гэтага этапу мы ўлічвалі, што гэты спіс павінен быць складзены з людзей, якія маюць досвед працы. У спісе ёсць не толькі былыя дэпутаты ці людзі, якія маюць досвед працы ў дзяржаўных установах, але і дзеючыя дэпутаты.

Сярод кандыдатаў – былыя кіраўнікі дзяржавы Мечыслаў Грыб і Станіслаў Шушкеівіч, якія пагадзіліся працаваць у выбарчых камісіях, былыя мэры градоў, як Юры Нагорны з Барані, былы першы намеснік старшыні Гомельскага гарвыканкаму Эдуард Касых, экс-старшыня Слаўгарадскага гарсавету Фелікс Шкірманкоў, былыя міністры, якія працавалі і да Лукашэнкі, і пры Лукашэнку – Аляксандр Сасноў і Павел Казлоўскі, вялікі шэраг былых парламентарыяў, дэпутатаў мясцовых саветаў, шмат людзей, якія мелі досвед працы ў камісіях. Мы патрабуем не адное месца ў камісіях, а толькі па адным нашым прадстаўніку”, - адзначыў каардынатар кампаніі “За свабодныя выбары”.

Паводле словаў Віктара Карняенкі, уключэнне ці неўключэнне прапанаваных людзей у склад выбаркамаў будзе сведчыць пра ўзровень дэмакратычнасці выбараў дэпутатаў Палаты прадстаўнікоў Нацыянальнага сходу.