1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Беларусь

Несвяточнае свята. Для беларускіх палякаў.

Польшча адсвяткавала гадавіну незалежнасці краіны.

Гэтае свята адзначаецца ад 1918 году на гонар аднаўлення самастойнай польскай дзяржавы пасля 123 гадоў раздзелу Польошчы паміж Расіяй, Прусіяй ды Аўстрыяй. У Гародні каля 800 беларускіх палякаў - прыхільнікаў незалежнага Звязу палякаў з розных рэгіёнаў Беларусі таксама арганізавалі ўрачыстыя мерапрыемствы з нагоды Дня незалежнасці, на якіх прысутнічаў Генеральны консул Рэспублікі Польшча ў Гародні Андждэй Крэнтоўскі. Хаця актывістам не прызнанага беларускімі ўладамі СПБ яўна не да ўрачыстасцяў. Літаральна некалькі дзён таму ціск на незалежную грамадскую арганізацыю зноў узмацніўся.

Гарадзенская міліцыя на падставе ліста з абласнога Камітэта па справах рэлігіяў і нацыянальнасцяў пачала расследаванне дзеянняў незалежнага Саюза палякаў Беларусі на чале з Анжалікай Борыс. Як Борыс, так і іншым актывістам СПБ інкрымінуецца незаконнае прысвойванне службовых паўнамоцтваў. Вядзецца расследаванне, на якой падставе Анжаліка Борыс дзейнічае ад імя Саюза палякаў Беларусі. Таму на допыты ў міліцыю былі запрошаныя многія з тых, хто зараз працуе ў незалежным СПБ.

Да новых прыкладаў ціску можна далучыць суд нібыта за хуліганцтва над сябрам незалежнага СПБ Анджэям Кусяльчуком, які дарэчы ёсць палітычным дарадцай аднаго з лідараў апазіцыі Аляксандра Мілінкевіча. Таксама за хуліганцтва міліцыя затрымала намесніка старшыні СПБ Мечыслава Яскевіча. У адносінах да яго ўзбуджаная крымінальная справа.

А старшыня СПБ Анжаліка Борыс праходзіць сведкай па крымінальнай справе «Кантрабанда наркотыкаў» пасля таго, як беларускія мытнікі знайшлі наркатычныя сродкі у аўтамабілі, у якім Борыс ехала з Літвы на Беларусь. Кіроўца аўтамабілю, актывіст СПБ Анджей Лісоўскі прыцягнуты як абвінавачваемы па той жа крымінальнай справе, якой зараз займаецца КДБ. У ягонай кватэры быў праведзены ператрус, але ніякіх доказаў вінаватасці Лісоўскага не было знойдзена. Падчас допыту ў абласным Камітэце дзяржаўнай бяспекі ў Анджэя Лісоўскага адабралі пашпарт і прымусілі даць падпіску аб нявыездзе. А кіраўнічку СПБ Анжаліку Борыс як сведку па справе аб наркотыках амаль чатыры гадзіны апытваў следчы КДБ.

Адзін з актыўных дзеячаў незалежнай арганізацыі, рэдактар часопісу Саюза палякаў «Магазын польскі у выгнанні», журналіст Анджей Пачобут, акрэслівая брутальную сітуацыю вакол незалежнага СПБ, лічыць, што:

«Гэтыя дзеянні беларускіх уладаў, - я маю на увазе крымінальныя абвінавачанні у адрас кіраўніцтва незалежнага СПБ, - сведчаць пра тое, что папярэдняя стратэгія, якую прынялі беларускія ўлады, не прынесла аніякага плёну. Афіцыйная арганізацыя СПБ не падтрымліваецца нацыянальнай меньшасцю, яе не прызналі польскія ўлады. У такіх умовах улады Беларусі выкарыстоўваюць грубыя метады, з дапамогай якіх яны вырашылі знішчыць незалежны СПБ.

Вось таму адбылася правакацыя з падкідваннем наркотыкаў і з бойкай, якую нібыта ўчыніў намеснік Анжалікі Борыс Мечыслаў Яскевіч. Безумоўна, гэта новы віток напружанасці ў адносінах Саюза палякаў і уладаў Беларусі».

Як на Вашу думку могуць надалей развівацца падзеі, спытала я ў Анджэя Пачобута?

“Безумоўна, сітуацыя вельмі складаная. Але я ўпэўнены у тым, што праблемы нацыянальнай меньшасці ніколі не могуць быць вырашаныя шляхам сілы, шляхам запалохвання. Улады разлічвалі на тое, что, падкідваючы наркотыкі ці абвінаваціўшы у хуліганцтвы, яны запалохаюць шэраговых сябраў СПБ. Але яны ў чарговы раз памылілся, таму што адбылася паседжанне Галоўнай Рады Саюза палякаў, прыехалі людзі з усіх рэгіёнаў і аднагалосна прынялі рашэнне, што калі нехта апынецца за кратамі, то мы будзем выходзіць на уліцы, арганізоўваць акцыі пратэсту і дамагацца вызвалення палітічных вязняў”.