1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Беларусь

Нарвежскі фонд "Дом правоў чалавека" патрабуе спыніць пераслед "Нашай нівы"

Нарвежскі фонд "Дом правоў чалавека" даслаў адкрыты ліст Аляксандру Лукашэнку, у якім рэзка асудзіў рашэнне Мінскага гарвыканкаму аб адмове ў рэгістрацыі на тэрыторыі беларускай сталіцы рэдакцыі газеты "Наша ніва". Фонд таксама заклікаў беларускія ўлады даць выданню магчымасць зноў распаўсюджвацца праз пошту і прадавацца ў шапіках. У пасланні падкрэсліваецца, што, паводле беларускага заканадаўства, нельга адмовіць газеце ў рэгістрацыі юрыдычнага адрасу з прычыны таго, што галоўны рэдактар быў арыштаваны. "Наша ніва" - гэта адная з апошніх незалежных газетаў, якія выдаюцца на беларускай мове, - падкрэсліваецца ў лісце. - Незалежныя медыі і журналісты знаходзяцца пад пастаянным уціскам у Беларусі, і сітуацыя з "Нашай нівай" - чарговы прыклад гэтага", - адзначаецца ў пасланні «Дому правоў чалавека» прэзідэнту Беларусі.