1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Беларусь

“Моладзь БНФ” супраць другога Чарнобыля

“Моладзь БНФ” распачала кампанію “За беларускую АЭС без расійскіх рэактараў”. У яе аснову пакладзены слоганы мінулага “Чарнобыльскага шляху”: “Не расійскай АЭС у Беларусі!”, “Не будаўніцтву АЭС без грамадскага кантролю!”

default

Паводле ініцыятара кампаніі, актывіста “Моладзі БНФ” Антона Каліноўскага, арганізацыя выступае за пабудову АЭС, але без расійскага рэактара. “У межах гэтай кампаніі мы плануем збіраць подпісы супраць будаўніцтва АЭС з расійскім рэактарам (ужо сабрана калі пяцісот подпісаў), выдаем розную прадукцыю – значакі, налепкі, майкі, будуць таксама ўлёткі”, - распавеў Антон Каліноўскі.

“Моладзь БНФ” таксама плануе правесці дыскусійны клуб з удзелам экспертаў і абмеркаваць, якая АЭС патрэбна краіне і ці патрэбна ўвогуле, і наколькі тэхналогіі, па якіх яе збіраюцца будаваць, сучасныя, наколькі яны адпавядаюць міжнародным стандартам.

“Большая частка еўрапейскіх краінаў карыстаецца атамнымі электрастанцыямі і лічаць гэтую практыку карыснай. Таму мы выступаем менавіта супраць расійскай АЭС, паколькі японская ці французская АЭС больш якасная, хаця і даражэйшая. Гэта дапаможа нам пазбавіцца ад эканамічнай залежнасці ад расійскай нафты і газа, але калі гэта будуць будаваць расійсцы, то можа адбыцца сітуацыя, калі мы будзем залежаць ад паставак расійскага ўрану. А па-другое, можа адбыцца другі Чарнобыль. Мы не хочам гэтага, мы супраць”, - кажа актывіст “Моладзі БНФ”.

Контекст