1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Беларусь

МЗС Канады патрабуе ад беларускіх уладаў вызвалення канадыйскага журналіста

Міністр замежных справаў Канады Пітэр МакКей запатрабаваў тэрміновага вызвалення канадыйскага журналіста газеты “Ля Прэс” Фрэдэрыка Левуа, зняволенага ў Беларусі. МакКей сустрэўся з беларускім амбасадарам у Канадзе і запатрабаваў, каб Левуа вызвалілі і дазволілі пакінуць краіну. 22-гадовы Фрэдэрык Левуа быў затрыманы ў пятніцу "пад час асвятлення антыўрадавых пратэстаў у Мінску". Міністр МакКей абмеркаваў з беларускім амбасадарам тэму прэзідэнцкіх выбараў у Беларусі. У пісьмовай заяве МЗС Канады гаворыцца, што кіраўнік знешнепалітычнага ведамства выказаў "асуджэнне Канадаю поўнага інгаравання дэмакратычных прынцыпаў пад час выбараў 19 сакавіка". "Гэта былі выбары несвабодныя і несправядлівыя", - гаворыцца ў заяве. Пітэр МакКей таксама заявіў, што Канада абмяжуе свае афіцыйныя дачыненні з Беларуссю сферай консульскіх дачыненняў, якія тычацца толькі правоў чалавека і міжнароднай бяспекі.