1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Беларусь

Маладафронтаўцу пагражае турэмнае зняволенне

У Жлобіне (Гомельская вобласць) актывісту апазіцыі Эдуарду Зялянкову, які быў затрыманы за графіці, прадяўленае абвінавачанне паводле Крымінальнага кодэксу за надпісы «За свабоду!”, “За Мілінкевіча!”, “Малады фронт». Зелянкова могуць прысудзіць да штрафу, арышту да 6 месяцаў ці зняволення да 2-х гадоў. Эдуард абвінавачаны ў дзейнасці ад імя незарэгістраванага грамадзкага аб’яднання “Малады фронт”. У той жа час адмоўлена ва ўзбуджэнні крымінальнай справы па сапсаванні маёмасці, паколькі 12 чэрвеня хлопец сплаціў 450000 рублёў - суму, на якую мясцовае жыллёва-камунальнае прадпрыемства ацаніла шкоду ад графіці. Вядзенне справы па трэцім артыкуле - хуліганства - спыненае за адсутнасцю складу злачынства. З Эдуарда Зелянкова ўзятая падпіска аб нявыездзе.