1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Беларусь

“Еўрапейская кааліцыя” не падтрымлівае ідэю правядзення новага Кангрэсу дэмсілаў

Чальцы Каардынацыйнага камітэту “Еўрапейскай кааліцыі” падсумавалі вынікі выбарчай кампаніі і зацвердзілі план стратэгіі на найбліжэйшы час. Паседжанне прайшло ў Баранавічах, дзе адбывае пакаранне абмежаваннем волі лідэр аб’яднання Мікалай Статкевіч. Удзельнікі нарады падрабязна прааналізавалі дзеянні апазіцыі і сітуацыю ў краіне ў часе выбарчай кампаніі. Паводле Статкевіча, “цяпер апазіцыя не можа прыняць агульную стратэгію, бо беларуская сітуацыя шмат у чым залежыць ад паводзінаў Расіі, а сітуацыя можа праясніцца не раней за восень”. “Аднак, ужо зараз трэба шукаць элементы новай стратэгіі”, - мяркуе лідэр “Еўрапейскай кааліцыі”. На паседжанні было прынятае рашэнне аднавіць кампанію “Беларусь – у адзіную Еўропу”, мэтаю якой ёсць прапаганда еўрапейскіх каштоўнасцяў у Беларусі. Таксама ўўдзельнікі выказаліся супраць правядзення новага Кангрэсу дэмакратычных сілаў, паколькі, на іх думку, кангрэс цяпер можа стацца падставай канфлікту альбо расколу дэмсілаў.