1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Беларусь

Гомельскія ўлады не дазволілі правесці акцыю да гадавіны Чарнобыльскай катастрофы

Гомельскія ўлады не дазволілі дэмакратычным арганізацыям правесці 25 красавіка ў горадзе мітынг з нагоды 20-х угодкаў катастрофы на Чарнобыльскай АЭС. Заяўку на правядзенне акцыі падавалі Аб’яднаная грамадзянская партыя і Партыя камуністаў Беларуская. Паводле першага сакратара Гомельскага абкаму ПКБ Уладзіміра Сякеркі, падставаю для адмовы сталася адсутнасць у заяўцы пазначэнняў таго, якія захады будуць зробленыя арганізатарамі для забеспячэння парадку і медычнага кантролю ў часе правядзення масавага мерапрыемства. Раней, адзначыў Уладзімір Сякерка, такога ніколі не патрабавалася. Ён паведаміў, што арганізатары не будуць праводзіць несанкцыянаваны мітынг, а зладзяць у Гомелі, як і планавалася, канферэнцыю па чарнобыльскай праблематыцы.