1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Беларусь

Валеры Леванеўскі выйшаў на волю

Сёння лідэр прадпрымальніцкага руху Валерый Леванеўскі пасля двух гадоў зняволення быў вызвалены з Івацэвіцкай папраўчай калоніі. Супрацоўнікі калоніі а 7-й раніцы адвезлі Валерыя Леванеўскага з Івацэвічаў у Слонім, дзе пакінулі яго на чыгуначным вакзале. Прадпрымальнік змог патэлефанаваць сваім родным, і зараз Валерый Леванеўскі ў суправаджэнні родных і блізкіх накіраваўся ў Гародню. Нагадайма, што 7 верасня 2004 году Ленінскі раённы суд Гародні асудзіў Валерыя Леванеўскага на два гады зняволення з адбываннем пакарання ў калоніі агульнага рэжыма, за “нанясенне публічнай знявагі прэзідэнту Беларусі”. Суд убачыў знявагу ва ўлётцы, якую прадпрымальнікі распаўсюдзілі ў абласным цэнтры напярэдадні мітынгу. У ёй было напісана : “Прыйдзі і скажы, што ты супраць таго, каб нехта за твой кошт ездзіў у Аўстрыю адпачываць, катацца на лыжах, жыць у сваё задавальненне”. Знаходзячыся за кратамі, прадпрымальнік неаднаразова праводзіў працяглыя галадоўкі, за што неаднаразова быў у штрафным ізалятары, атрымліваў спагнанні з боку адміністрацыі калоніі. Леванеўскаму забаранялі сустракацца з сям’ёй, атрымліваць перадачы і купляць прадукты ў турэмнай краме. У снежні 2005 году Леванеўскага не адпусцілі з калоніі нават на пахаванне бацькі.