1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Беларусь

АДС звяртаюцца ў Генпракуратуру

Прэзідыум Палітычнай рады Аб’яднаных дэмакратычных сілаў прыняў рашэнне звярнуцца ў Генеральную пракуратуру па факце ўціску на актывістаў, які выказалі намер узяць удзел у кампаніі па выбарах дэпутатаў.

default

Аб прычынах звароту і аб чаканнях АДС DW-RADIO распавёў сустаршыня АДС, першы намеснік кіраўніка Партыі БНФ Вінцук Вячорка:

“Не паспела пачацца выбарчая кампанія, як пачалі выганяць з працы людзей, якія ўнесеныя ў адзіны спіс як прэтэндэнты ў кандыдаты. Гэта Алесь Мех з Кобрыну, якога выгналі з інжынерскай пасады ў “Белтрансгазе”, і Лявон Аўтухоў з Гарадка, ён страціў месца тэхніка ў жыллёва-камунальнай гаспадарцы. І, на жаль, гэта толькі пачатак. Асабліва абуральна тое, што ёсць след спецслужбаў, канкрэтна КГБ у гэтых сітуацыях. Выгнанне з працы Алеся Меха арганізоўваў канкрэтна кіраўнік мясцовага, кобрынскага КГБ. Гэта мае прыкметы злачынства, і натуральна, гэта павінна быць прадметам разгляду ў пракуратуры. Усё будзе вызначацца іхнай галоўнай палітычнай задачай. Калі яны сапраўды хочуць паказаць свету, паказаць Еўропе, Злучаным Штатам, што адбываюцца зрухі ў кірунку дэмакратызацыі выбарчае кампаніі, то ў іх не будзе выйсця. А калі яны ўсё пакідаюць па-старому, то ніхто не будзе такіх ілюзіяў мець і ніхто іхную гэтую выбарчую кампанію не прызнае нават часткова свабоднай і справядлівай”.

Контекст