Сёння сёмыя ўгодкі трагедыі на Нямізе
30 мая 2006 г.Реклама
Сёння спаўняецца сем гадоў ад дня трагедыі на Нямізе. 30 траўня 1999 году ў цісканіне ў падземным пераходзе ля станцыі метро “Няміга” загінулі 53 чалавекі, пераважна маладыя дзяўчаты, некалькі соцень атрымалі траўмы. У той вечар больш за 2 тысячы чалавек спрабавалі схавацца ў пераходзе ад раптоўнай злівы і навальніцы. Па факце гібелі людзей была распачатая крымінальная справа, але ў выніку ніхто пакараны не быў. Суды розных інстанцыяў адхілілі зыскі сваякоў загінулых з патрабаванямі знайсці вінаватых і ў поўнай меры кампенсаваць фізічны і маральны ўрон.