Кiраўнiк гомельскага абласнога штабу А. Мiлiнкевiча пакараны адмiнiстратыўным арыштам на 8 дзён
20 марта 2006 г.Реклама
Сёння кiраўнiк гомельскага абласнога штабу Мiлiнкевiча Уладзiмiр Кацора быў пакараны адмiнiстратыўным арыштам на 8 дзён. Нагадаю, што Кацору затрымалi ўвечары 18 сакавiка каля ўласнага дому, i да дня суду ён знаходзiўся ў iзалятары часовага ўтрымання. Прысуд гомельскага суду вынес сваё рашэнне на падставе двух артыкулаў адмiнiстратыўнага кодэксу - дробнае хулiганства i непадпарадкаванне загадам супрацоўнікаў міліцыі. У якасцi пацярпелага выступiў мужчына, якi быццам бы 18 сакавiка папрасiў Кацору прыкурыць, а той абазваў незнаёмца бамжом i ўчынiў бойку. Сам Кацора называе сваё затрыманне i арышт правакацыяй.