1. Перейти к содержанию
  2. Перейти к главному меню
  3. К другим проектам DW

Кіраўнік “Вясны” атрымаў папярэджанне пракуратуры

19 апреля 2006 г.
https://p.dw.com/p/8Hdc

Кіраўнік праваабарончага цэнтру “Вясна” Алесь Бяляцкі быў выкліканы ў пракуратуру Савецкага раёну Мінску, дзе яму выставілі папярэджанне паводле артыкулу 400 Крымінальнага Кодэксу – Заведама ілжывы данос. Папярэджанне было выстаўленае ў звязку з каментаром Бяляцкага прэсавай службе “Хартыі-97” пасля разгону апазіцыйнай дэманстрацыі 25 сакавіка: "Гэта яўная правакацыя ўладаў. Пра гэта яны заяўлялі яшчэ перад выбарамі. Міністр унутраных справаў Навумаў на прэс-канферэнцыі казаў, што чакаюцца выбухі і ахвяры сярод удзельнікаў дэманстрацыі. Сёння мы ўбачылі гэта. За ўсё, што адбылося сёння, нясуць адказнасць беларускія ўлады, і непасрэдна Лукашэнка разам са сваімі сілавікамі. Сёння рэжым выкарыстаў беспрэцэдэнтную жорсткасць у адносінах мірных людзей”. Нагадайма, што гэткае ж папярэджанне было вынесенае пракуратурай Савецкага раёну сталіцы 12 красавіка кіраўніцы “Праваабарончага альянсу”, намесніцы старшыні Аб’яднанай грамадзянскай партыі Людміле Гразновай за каментар падзеяў Дня Волі на сайце “Хартыі-97”.