1. Перейти к содержанию
  2. Перейти к главному меню
  3. К другим проектам DW

Аляксандр Мілінкевіч выступіць у Берліне

10 сентября 2008 г.

Лідэр Руху "За свабоду" Аляксандр Мілінкевіч 17 верасня ў Берліне выступіць з дакладам на штогадовым форуме германскага Фонду імя Конрада Адэнаўэра, які пройдзе пад дэвізам "Гарантаваць правы чалавека ва ўсім свеце".

https://p.dw.com/p/FFON
Лідэр Руху "За свабоду" Аляксандр МілінкевічФото: AP

Лідэр Руху "За свабоду" Аляксандр Мілінкевіч 17 верасня ў Берліне выступіць з дакладам на штогадовым форуме германскага Фонду імя Конрада Адэнаўэра, які пройдзе пад дэвізам "Гарантаваць правы чалавека ва ўсім свеце".

Асноўным дакладчыкам на форуме будзе федэральны канцлер Нямеччыны Ангела Меркель. У дыскусіі возьмуць удзел палітыкі і праваабаронцы з дзяржаваў Азіі, Афрыкі, Еўропы ды Амерыкі.

"Я буду гаварыць аб правах чалавека, аб дэмакратыі, буду расказваць пра краіны еўрапейскія, якія ёсць праблемы ў пераходны час, і буду казаць пра Беларусь рэчы, важныя для нас, і пра магчымасці Еўразвязу ў зменах на карысць дэмакратыі ў Беларусі, Расіі і ў іншых краінах", - распавёў Аляксандр Мілінкевіч.

На яго думку, Нямеччына заўсёды адыгрывала вялікую ролю, гэта магутная краіна, уплывовая, з канкрэтнай, маральнай замежнай палітыкай, якая ўмее быць гнуткай і ўмее выкарыстоўваць эканамічнае супрацоўніцтва для пашырэння зон, дзе захоўваюцца правы чалавека. "Я думаю, што і Еўразвяз, асабліва для Беларусі, ужо адыгрывае вялікую ролю, і гэтая роля можа ўзрасці, таму што сёння праводзіцца палітыка малых крокаў, а я яе падтрымліваю і лічу перспектыўнай, калі беларуская ўлада, што знаходзіцца ў складаным эканамічным становішчы, пачынае рэалізацыю пакрокавай стратэгіі разам з Еўропаю, ёсць пэўныя саступкі з беларускага боку і шырокія магчымасці падтрымкі эканамічнага развіцця для Беларусі", - кажа беларускі палітык.

Аляксандр Мілінкевіч кажа, што "Беларусь заўжды развівалася ў рэчышчы еўрапейскіх традыцыяў, па менталітэце беларусы – еўрапейцы, хаця, канешне, значна дэфармаваныя савецкімі часамі, ёсць праблема дэнацыяналізацыі. Але ўсё ж, безумоўна, мы – еўрапейская краіна, і наша месца ў Еўразвязе. Мы разумеем, што шлях няпросты і, магчыма, доўгі, але стратэгічная наша мэта для мяне і ўсіх тых, хто мяне падтрымлівае, гэта Еўразвяз". (гк)