1. Перейти к содержанию
  2. Перейти к главному меню
  3. К другим проектам DW

Абарона Аляксандра Казуліна будзе дабівацца змены яму меры стрымання

19 апреля 2006 г.
https://p.dw.com/p/8Hde

Абарона былога кандыдата на прэзідэнта Беларусі Аляксандра Казуліна мае намер дабівацца змянення яму меры стрымання. Як паведаміў адвакат Ігар Рынкевіч, да канца бягучага тыдня ў суд Цэнтральнага раёну Мінску будзе пададзеная скарга з просьбаю змяніць меру стрымання на не звязаную з утрыманнем пад вартай. Рынкевіч таксама сказаў, што да скаргі будуць прыкладзеныя хадайніцтвы вядомых у Беларусі людзей, якія аформілі паручыцельствы за тое, што на волі Казулін не схаваецца ад следства і не будзе перашкаджаць расследаванню. Паводле адваката, ужо сабрана каля 150 паручыцельстваў і больш за 8 тысячаў подпісаў грамадзянаў з просьбай вызваліць Казуліна. Нагадайма, што яго затрымалі 25 сакавіка ў часе шэсця да спецпрыёмніка-размеркавальніка, дзе знаходзіліся абаронцы намётавага лагеру і ўдзельнікі шэрагу несанкцыянаваных акцыяў у Мінску 19-24 сакавіка.