«د روغتون کارکوونکو له برید کوونکو سره مرسته نه ده کړې»
۱۳۹۵ اسفند ۲۵, چهارشنبه
جنرال حلال الدین حلال، د چهارشنبې په ورځ په کابل کې یوه خبري کنفرانس ته وویل: «موږ داسې شواهد نه لرو چې وښيي له برید کوونکو سره له د ننه مرسته شوې وه.»
هغه زیاته کړه: «برید کوونکي د یوه کرولا موټر په واسطه روغتون ته ننوتې وو. یوه یې ځان والوځوه او څلور نور بیا روغتون ته ننوتل.»
دغه افغان چارواکي روښانه کړه چې د سردار محمد دواود خان د روغتون ۲۴ کارکوونکي په خپله دنده کې د غفلت په تور نیول شوي دي او ورڅخه څیړنې روانې دي.
حلال وویل چې پر روغتون باندې په برید کې ۵۰ کسان وژل شوي دي خو یو شمیر نورو سرچینو بیا د فرانسې خبري آژانس ته ویلي چې په برید کې تر سلو پورې کسانو خپل ژوند له لاسه ورکړی دی.
د افغانستان د پارلمان غړو د سردار محمد داود خان پر روغتون تر برید وروسته، د دفاع د وزیر د ګوښه کیدو غوښتنه کړې وه.
پر روغتون باندې د برید پړه د اسلامي دولت یا داعش ترهګرې دلې پر غاړه اخیستې ده.