سري ديوي له دې نړۍ سترګي پټي کړې
۱۳۹۶ اسفند ۶, یکشنبه
سري ديوي و دبۍ ته د کورنۍ په يو واده کي د ګډون له پاره تللې وه چي هلته د زړه حمله ورباندي راغله.
نوموړې له څلور کلنۍ څخه په تاميل، تېلګو، ملايم او کنډا ژبي هندي فلمونو کي کار کړی ؤ. دغه فلمې ستورې د ۱۹۸۰ او ۱۹۹۰مو کالونو تر منځ د هند تر ټولو غوره او بهترينه ښځينه ايکټره تصور کېدله.
سري ديوي ته د لومړۍ هغې ښځينه ايکټري په سترګه کتل کيدل چي د نارينه تر واک لاندي په هندي فلمي نړۍ کي يې ځان داسي يو لوړ او منل سوي مقام ته ورساوه.
سري ديوي په فلمونو کي د کوميدي کردارونو د ادا کولو او د ښه رقص له پاره مشهوره وه. نوموړې د شنبې په ورځ (د ۲۰۱۸ کال د فبرورۍ ۲۵مه نېټه) په دبۍ کي ساه ورکړه. دا خبر د هغې لېور سنجې کپور د انډين ايکسپرېس ورځپاڼي ته تائيد کړی دی.
په افغانستان کي سري ديوي په زياته په «خدا ګواه» فلم کي د يوې افغانې مېرمني د رول له کبله ډېره مشهوره وه. په دغه فلم کي ورسره اميتاب بچن هم کار کړی ؤ.
د باليووډ ستوري چي اوس میندې دي، انځوریز البوم زموږ له آرشیف څخه: