د اخراج شوو مهاجرو له پاره په افغانستان کې زده کړې
د «هېلپ» په نوم یوه آلمانۍ موسسه په هرات ولایت کې له کلونو راهیسې له اخراج شوو او بیرته ستانه شوو مهاجرو له پاره د حرفوي زده کړو پروگرامونو جوړوي.
د زده کړې صنف
له ۲۰۰۸م کال راهیسې تر اوسه ۱۳ زرو هغو مهاجرو چې له بیلا بیلو هیوادونو افغانستان ته بیرته راغلي په دغه موسسه کې حرفوي زده کړي کړي او د کار په بازار ته ننوتي دي.
الکترونیک
«هېلپ» یوه نړیواله آلمانۍ موسسه ده چې له ۱۹۸۱م کال راهیسې د افغانانو له پاره فعالیت کوي او په هرات او بامیان ولایتونو کې دفترونه لري.
ترکاڼي
هر کال له آسیایي او اروپایي هیوادونو څخه بیرته راستانه شوي ۱۵۰۰ افغان مهاجر دغي موسسې ته جذبیږي او په دغه ځای کې اړینې زده کړې تر لاسه کوي. په هرو شپږو میاشتو کې ۳۰ نارینه د نجارۍ له څانگې فارغیږي.
د غالیو اوبدل
د هېلپ موسسې د حرفوي او مسلکي برخې ۶۵ سلنه زده کړیالان ښځي دي. د غالۍ اوبدلو په برخه کې ۲۴ میرمنې بوختې دي. دغه میرمنې د دوو میاشتو په اوږدو کې یوه قالین اوبدي چې دوه متره اوږدوالی او یو متر پلنوالی لري.
غالی اودل
هغه میرمنې چې د زده کړې دوره یې په بریالۍ توگه سر ته رسولي وي، د یوه شخصي کاروبار د پیلولو امکانات هم له دغي موسسې څخه تر لاسه کوي. د غالۍ اوبدلو د څانگې کار کوونکي پر یوې غالۍ د آلمان د صدراعظمې انگلا مېرکل یو انځور اوبدي.
پخلنځای
په دغه برخه کې ۲۴ میرمنې چې زیاتره یې له آسیاسي هیوادونو څخه اخراج شوي مهاجرین دي، د کیک او نورو خوړو د تیارولو زده کړې کوي.
پخلنځای
میرمنې د زده کړو تر ختمیدو وروسته یو سند په لاس راوړي او د یوه رستورانت او يوه شخصي پخلنځای په برخه کې ملاتړ تر لاسه کوي.
خیاطي
په دغه څانگه کې ۲۷ میرمنې د شپږو میاشتو په اوږدو کې د خیاطۍ بیلا بیلې زده کړې تر لاسه کوي.
خیاطي
په دغه څانگه کې هره ورځ د ښځو تر لسو جوړو زیات کالي گنډل کیږي.
خیاطي
د خیاطۍ څانگه په هېلپ موسسه کې یوه له محبوبو کاري څانگي څخه شمیرل کیږي.
د موبایل تخنیک
د موبایل یا گرځنده تلیفونونو د جوړولو څانگه هم شته چې ډیر شمیر مینه وال لري.
نلدواني
د نارينه وو له پاره د نورو حرفوي زده کړو ترڅنگ د نلدوانۍ څانگه هم شته چې ډیر کسان هم له دغې څانگې فارغه شوي او په کار بوخت دي.
د لبنیاتو پروسس
دا چې په افغانستان کي زراعت او مالداري زياته ده، د لبنیاتو د پروسس څانگه د ښځو له پاره ځانگړي اهمیت لري. ښځې کولای شي چې له دې لاري د خپل ځان له پاره د لبنیاتو تولید او بسته بندۍ زده کړي او له اقتصادي اړخه پر خپل ځان بسیا شي.