امريکايي قوماندان په افغانستان کي له مسلمانانو بخښه غوښتې
۱۳۹۶ شهریور ۱۵, چهارشنبه
د پروان د والي مرستيال شاه ولي شاهد ويلي دي چې دغه پاڼې د دوشنبې په شپه غورځولي شوې وې چې پکښې د افغان امنيتي ځواکونو څخه د ملاتړ بلنه ورکړل شوه وه. خو د نوموړي په حواله پر دغو پاڼو د يوه سپي رسم وو چې پر هغه باندي بيا د طالبانو بيرغ چي کلمه طيبه لري پر رسم شوی دی.
تورن جنرل جيمز لندر د بخښنې د غوښتولو پر وخت وويل چې په دغو پاڼې کې په غلطۍ سره هغه انځور شامل وو چې د مسلمانانو له پاره ځورونکی دی. د نوموړي له خوا په خپره شوې اعلامیه کې ويل شوي: «زه په صاداقه توګه بخښنه غواړم. موږ د اسلام مقدساتو ته او خپلو مسلمانو ملګرو ته د نړۍ په ګوډ ګوډ کې درناوی لرو.»
ده زياته کړه: «زه به همدا رنګه لازم بدلونونه راولم او موږ به خپلو کړنلارو ته بيا کتنه وکړو. د ائتلافي ځواکونو د تبليغاتي او مطبوعاتي برخې هغه کسان چې دا تيروتنه یې کړې ده، هغه محاکمه او مجازات شي.»
دا پيښه د هغو ستونزو يوه بيلګه ده چې نړيوال ځواکونه چې زیاتره عسکر یې مسلمانان نه دي، ورسره په افغانستان کې مخامخ کيږي، سربيره پر دې چې لويديځ په عمومي توګه د دا ډول تیروتنو د مخنيوي له پاره ډير زيار باسي.
په افغانستان کې د ۱۶ کلنې جګړې پرمهال امريکا متحدو ايالاتو تل هڅه کړې چې عادي افغانان دې ته اماده کړي چې د طالبانو پر ضد د دوی ملاتړ وکړي.
په ۲۰۱۲ م کال کې امريکايي قوماندان له هغه وروسته بخښنې غوښتولو ته مجبور شول چې د کابل په بګرام پوځي اډه کې په تیروتنه کې د قرآن شريف او نورو مذهبي نخسو نقلونه سوځول شوي ول. له دغه پيښو وروسته په کابل او د افغانستان په نورو ولايتونو کې سختې مظاهرې وشوې چې څو انسانان هم پکښې ووژل شول.
په افغانستان کې په اصطلاح معلوماتي عملیات چې د حکومت او ائتلافي ځواکونو له خوا په ګډه پيليږي، له اوږدې مودې راهيسې په دې موخه ترسره کيږي چې عادي افغانان د وسله والو طالبانو او نورو وسله والو ډلو پر ځای د افغان امنيتي ځواکونو ملاتړ وکړي.