1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

CIA په افغانستان کي پټ جنګي ځواک جوړ کړی

يو امريکايي چارواکي پرون وويل چي د متحده ايالاتو مرکزي استخباراتي اداره، CIA، د يو افغان مليشه يي ځواک رهبري په غاړه لري چي په پټو ماموريتونو کي د پاکستان په دننه کي د طالبانو او القاعدې عناصر له مينځه يوسي.

دغه 3000 کسيز جنګي ځواک د CIA له خوا جوړ سوی او د خاصو عملياتو د ترسره کولو دپاره روزل سوي دي.

دغه 3000 کسيز جنګي ځواک د CIA له خوا جوړ سوی او د خاصو عملياتو د ترسره کولو دپاره روزل سوي دي.

نوموړي امريکايي چارواکي چي د خپل هويت د نه بربنډولو په شرط يي د فرانس پرس د خبري آژانس سره خبري وکړي، د متحده ايالاتو د يو مشهورژرونالست، Bob Woodward په يو نوي کتاب کي د نوموړي مليشه يي ځواک چي د« تروريزم ضد د څارني تيمونو» په نوم معلومات تصديق کړل.

دغه امريکايي چارواکي يادونه وکړه:« دا د افغانستان يو ډير تکړه جنګي ځواک دی او په افغانستان کي د ثبات په ټيګيښت کي مهمه ونډه اخيستې ده.»

د واشنګتن پست ورځپاڼي د رپوټ له مخه چي د نوموړي کتاب څخه يي خپل معلومات ترلاسه کړي دي، دغه 3000 کسيز جنګي ځواک د CIA له خوا جوړ سوی او د خاصو عملياتو د ترسره کولو دپاره روزل سوي دي.

د Woodwardپه کتاب کي « د اوباما جګړي» دا هم راغلي دي چي د افغانستان دغه خاص رزول سوی ځواک، ځکه په لومړي سر کي په ګاونډي هيواد پاکستان کي په پټو عملياتو بوخت دی، چي هلته د القاعدې او طالبالنو غړي د ترهګري دپاره پلانونه جوړوي او په نوموړي هيواد او د افغانستان په دننه کي يې پلي کوي.

د امريکا د متحده ايالاتو جمهوررييس بارک اوباما د خپل رياست د پيل څخه په افغانستان کي د جګړې د برياليتوب دپاره د پاکستان په دننه کي د زورپالونکو د پناه ځايونو د له منځه وړلو په موخه پټ عمليات تند کړي چي، په هغو کي د امريکايي بې پيلوټه الوتکو هوايي ببمارۍ هم شامل دي.

د متحده ايالاتو حکومت دغه راز د پاکستان پر پوځ باندي هم فشار ډير کړی تر څو په قبايلي سيمو کي د طالبانو او د هغوی د همکارو ډلو د فعاليتونو مخه ونيسي.

د CIAترلارښوني لاندي ددغه افغان جنګي ځواک د فعاليتونو بربنډیدل په يقين سره د واشنګټن او اسلام آباد او دغه راز د افغاستان او پاکستان تر منځ ستونزمني اړيکي نوري هم ترینګلي کړي.

په افغانستان کي د امريکايي ځواکونو شتون او په قبايلي سيمو کي د بې پيلوټه الوتکو حملو په پاکستان کی د متحده ايالاتو په وړاندي حساسيتونه زيات کړي دي.

آژانسونه/ عبدالباري حکيم

کتونکی: نجيب الله زيارمل