2010 عيسوی کال ته نوي اميدونه | دويچه ويله پښتو | DW | 01.01.2010
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

2010 عيسوی کال ته نوي اميدونه

انګيلا ميرکل بيرته په برلين کښي ده ، رخصتي يې پای ته ورسيدل، د نوي کال بيانيه يې ورکړل ، او تر دوشنبه وروسته بيرته په کار شروع کوي . خوکارونه په پوره اندازه موجود دي ، او هيڅ مشکل د رخصتيانو په ورځو کښي ندی حل سوی

د برلين د براندنبورګر ټور په نام دروازه ، چه د نوي کال مراسم سرته پکښي ورسيدل

د برلين د براندنبورګر ټور په نام دروازه ، چه د نوي کال مراسم سرته پکښي ورسيدل

مثلأ د بودجې کسر . د 2009 کال په اولو 9 مياشتو کښي د جرمني حکومت ، ايالتو او محلاتو د 2008 کال په مقايسه 5 واري زياته قرضه اخيستې ده : تقريبأ سل مليارډه ايرو .

پر دې سربيره نوي اييتلافي حکومت د کرسمس لږڅه دمخه د مثال په ډول پر وراثت او د هوټل د ماليکينو دپاره د مالياتو د راکمولو فيصله وکړه . خو د پارلمان رييس اود صدراعظمي انګيلا ميرکل ګوندي ملګري نوبرت لامرت پر هغه باندي په يوه راډيويي مرکه کښي سخت انتقاد وکۍ .

ده وويل چه «په دغه ژر تر ژره تصويب سوي قانون کښي د ځينو ښو، يو تعداد ناقصو او ځيني ډير خراب او د نه منلوو وړ قواعد شامل دي . »

اييتلافي ګوند بيا پر لامرت باندي تور لګوي ، چه غواړي خپل ګوندي سياسي احساسات بيان کي . تر هغه وروسته حکومتي وياند کريستوپ سټيګمنس اعلان وکۍ ،

« زه کولاي سم تاسو ته ووايم چه د جرمني حکومت په پوره دقت او يقين سره د اقتصادي ودي د چټکيدو قانون تصويب کړی دی . حکومت خوښ دی چه دغه قانون د جنورۍ د اولي څخه نافذيږي . »

د اقتصادي ودي د چټکيدو قانون څخه مطلب همدغه د مالياتو د راکښته کولو قانون دی ، ځکه حکومت پدې عقيده دی ، چه هغه به داقتصادي ودي سبب وګرزي . مګر په هر صورت به د ټولو دمخه اول دولت نور هم ډير پوروړی سي . خو صدراعظمي په نوامبر کښي لا په دغه باب په حکومتي اعلاميه کښي ويلي وه ،

« واقعيت په يوه جمله کښي دادی : چه مشکلات به په اوله کښي ډير سي ، مخکي تر دې چه هغه بيرته سم سي . »

د حکومت په مخکي بل مشکل په کندوس کښي د هوايي بمباريو په باب دی، چه په سپټامبر کښي دتيلو د دوو ټانکرونو تر تښتولو وروسته رامنځته سوی دی . د ددفاع پخواني وزير يونګ استعفأ ورکړيده ، اوسني وزير څو ګوټن بِرګ تر انتقاد لاندي دی ، او اوس د صدراعظمي په مقابل کي هم تورونه راپورته سوي دي .

ويل کيږي چه دې په دغه هکله د سپټامبر پر 8 ، د حکومت د اعلاميې دمخه د ملکي خلګو د وژلو په هکله تر هغه ډير معلومات درلودل، لکه څنګه چه دې ورکړي دي . پدې حساب نو د تحقيقاتي کميټې دپاره په جنورۍ کښي د تحقيقاتو د شروع کيدو پر وخت ډير کار ګوري .

افغانستان د بله جهته هم د حکومت دپاره مشکلات رامنځته کړي دي . خارجه وزير ګودو وېستروېله په يوه مجله اي مرکه کښي چه تر کرسمس وروسته راووتله ، ويلي دي چه« که په لندن کښي د افغانستان کنفرانس يوازي هلته د قواوو د تقويې په خاطر جوړيږي ، زه په هغه کښي شرکت نه کوم . »

دده وياند اندرياس پيشکه تر ډيرو زحمتو وروسته کوښښ وکي ددغه اخطاريې اغيزي يو څه راکمي کي .

ده وویل چه د وزير مطلب دادی چه کله چه د جنورۍ پر 28 د افغانستان په باب په لندن کښي کنفرانس جوړيږي ، اساسأ بايد د افغانستان دپاره د اهدافو او ستراتيژۍ په باب خبري وکی .

په جنورۍ کښي به د جرمني په پارلمان کښي د 2010کال ددولتي بودجې په باب خبري وسی . د هغه طرح لا حکومت د کرسمس دمخه تصويب کړې وه ، چه نور به هم دولت پوروړی ، او مصارف به لوړ ولاړ بوزي .

پيتر سټوټله/

کتونکی : محمد قاسم نوري