1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

20 فيصده يورانيم به پخپله په ايران کي غني سي

تر هغه وروسته چه د مونشن په امنيتي کانفرانس کښي د ايران د يورانيمو د غني کولو پر سر خبري د ناکامۍ سره مخامخ سوې ، محمود احمدي نژاد په ايران کښي د يورانيمو د غني کولواعلان وکۍ

جمهور رييس محمود احمدي نژاد

جمهور رييس محمود احمدي نژاد

د ايران دجمهور رييس محمود احمدي نژادله نظره دا لويديز دی ، چه غواړي پر ايران باندي فشار زيات کي ، او د ډول ډول تاکتيکو څخه کار اخلي .

دی په تهران کښي د لايزر د وړانګو د تکنالوژۍ نندارتون ته ډير اهميت ورکوي ، اووايي چه په دغه برخه کښي هم چه د ډيره وخته راهيسي تحقيقات او څيړني رواني دي ، کيدلای سي لکه د اټومي دستګاوو غوندي پکښي يورانيم غني سي .

احمدي نژاد د موقع څخه استفاده وکړه ، پر بين امللي ټولني يې حمله وکړه ، او ويې ويل چه لويديز دده هغه پيشنهاد ته چه يورانيمو دي په خارج کي غني سي ، اهميت نه ورکوي .

دی وايي ،

«موږ غربيانو ته دوې تر درو مياشتو پوري وخت ورکي ، چه پر دغه پيشنهاد باندي غور وکي . خو دوی يوه نوې بازي شروع کړه، اوځکه نو ما د ايران د اټومي مسايلو د ادارې مشر صالح ته وظيفه ورکړه ، چه په ايران کښي د 20 فيصدو يورانيموپه غني کولو شروع وکي . خو ددوی پر مخ د خبرو او مذاکرې دروازه اوس هم خلاصه ده . »

تر هغه وروسته ددغي ادارې مشر علي اکبر صالح اعلان وکی ، چه په يوه کال کښي به ديورانيمو د غني کولو 10 نوري دستګاوي جوړي کي .

صالح به نن په ويانا کښي داټومي انرژۍ بين امللي ادارې ته د 20 فيصدويورانيمو دلانجمن غني کولو څخه خبر ورکي ، خو ده وويل چه د هغه غني کيدل به سبا سه شنبه په نتن کښي د اټومي انرژۍد بين امللي ادارې د کنټرولرانو په حضور کښي شروع سي .

د ايران د اسلامي جمهوريت د رهبرۍ په وينا به دغه يورانيمو دسوله ايزو مقاصدو دپاره غني سي ، خو لويديز اوس هم دا شک لري چه ايران په پټه سره اټومي بم جوړوي .

سورين/کتونکی : محمد قاسم نوري