1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

یوه ځانمرګي په هلمند کې نهه تنه یاغیان وژلي

یوه افغان چارواکي ویلي دي چې د افغانستان په هلمند ولایت کې یوه ځانمرګي برید کوونکې د یوې بلې یاغي ډلې پر پوستې باندې برید کړی او نهه تنه یې وژلي دي.

د ګرشک ولسوال محمد سلیم، ویلي دي چې په دې پیښه کې له طالبانو څخه د یوه جلا شوې ښاخ شپږ تنه نور جنګیالي ټپیان شوي هم دي. پیښه د چهارشنبې په ورځ په ياده سیمه کې رامنځ ته شوې ده.

د طالبانو ویاند لا تر اوسه پورې په دې اړه نه دي ویلي.

تر دې مخکې هم د طالبانو بیلابیلو ډلو یو له بل سره خونړۍ نښتې کړې دي. په هلمند کې د طالبانو یو جلا شوی قوماندان ملا رسول، د دې ډلې له مشر ملا هیبت الله اخندزاده څخه بیل شوی او پر هغه باندې یې نیوکې کړې دي.

په یوه بله پيښه کې بیا د پکتیکا ولایت ویاند محمد رحمان عیاض، ویلي دي چې د پولیسو د یوه قوماندان کور ته نزدې له چاودیدونکو موادو یو ډک موټرسایکل چولی دی چې له کبله یې یوه ښځه او درې ماشومان وژل شوي دي. د دغه چارواکي په خبره په پیښه ک اووه تنه نور کسان ټپیان شوي هم دي. چاودنه ښايي له لیرې څخه د ریموټ په واسطه رامنځ ته شوې وي.

د چاودنې پر مهال د پولیسو قوماندان په کور کې نه وو. لا تر اوسه پورې چا د پیښې پړه پر غاړه نه ده اخیستې.