1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

یوه افغان سرتیري په کندز کې خپل نهه ملګري وژلي

یوه افغان سرتیري په کندز کې پر خپلو ملګرو ډزې کړي دي او نهه کسان يې وژلي دي. د پولیسو یوه ویاند دغه پیښه تایید کړې ده.

پيښه د چهارشنبې په شپه ناوخته د کندز ولایت د علي آباد او کندز تر منځ پر پرتې لویې لارې رامنځ ته شوې ده.

برید کوونکی چې کیدای شي له طالبانو سره یوځای شوی وي، د پیښې له سیمې تښتیدلی دی او له ځان سره یې د پولیسو وسلې او نور تجهیزات وړي دي. دغه پیښه د پولیسو د شمالي زون ویاند محفوظ الله اکبري، تایید کړې ده.

د پیښې پر مهال د پوستې قوماندان محمد ګل، په سیمه کې حاضر نه وو. ویل کیږي چې برید کوونکي تر تیښتې مخکې د خپلو همکارانو مړو ته اور ورته کړی دی.

طالبانو د برید پړه پر غاړه اخیستې خو له دې یې انکار کړی چې د وژل شویو کسانو مړي یې سوځولي دي.