1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

«یورو فایټر» له هغې هم ګرانې دي چې تر اوسه یې اټکل کیده

د «یورو هاک» په نوم د بې پيلوټه الوتکو د پروژې د ناکامۍ وروسته، د آلمان پوځ یو ځل بیا د خپلې یوی بلی تجهیزاتي پروژې له امله د ستونزو سره لاس او ګریوان دی.


د آلمان پوځ د خپل هوایي پوځ د تجهیزاتو د نوي کولو له پاره، باید اوس له هغه څخه زیاتې پسې ولګوي چې تر اوسه پورې یې اټکل کیده. د «یورو فایټر» ډوله په نوم د جنګي جیټ الوتکو بیې ورځ تر بلې د لوړیدو په حال کې دي. په همدی وجه د المان د دفاع وزیرو توماس دیمیز په داسی یو کال کی چی پارلمانی انتخابات په مخکی دی، له نیوکو څخه ځان نه شي لیرې ساتلی.

دغه ستونزه د «یورو فایټر» په نوم د جنګي جیټ الوتکو پواسطه د آلمان د پوځ تجهیزول دي. د «دېر شپیګل» په نوم آلمانۍ ورځپاڼې په خپلې تازه ګڼه کې چې د دوشنبې په ورځ (د جولایي د میاشتې اتمه) خپريږي، رپوټ ورکړی دی چې د آلمان اردو په دې برخه کې د سترو مالي او د کیفيت له لحاظه له ستونزو سره لاس او ګریوان ده. دغه جنګي جیټ الوتکې ښایي له هغه ډیرې ګرانې وي چې تر اوسه یې اټکل کیده.

د آلمان د دفاع وزارت چې تر دې د مخه د یورو هاک په نوم د پروژې د ناکامۍ په ترڅ کې له نیوکو سره مخامخ شوی وو، په برلین کې دا خبره تایید کړې ده چې د شاوخوا ۱۴،۷ میلیاره یورو په بدل کې یې د ۱۸۰ «یورو فایټر» په نوم د جنګي جیټ الوتکو د رانیولو پر سر موافقه کړې ده. له دغه پیسو څخه به د روان کال تر پایه پورې شاوخوا ۱۴،۵ میلیارده یورو مصرف شي او تر هغه وخته به یوازې ۱۰۸ الوتکې دوی ته په اختیار کې ورکړل شي.

د دیر شپیکل د رپوټ پر اساس د ۲۰۱۸م کال تر پایه د آلمان پوځ د ۱۶،۸ میلیارده یورو لګښت په پام کې لري، چې ښایي دغه مبلغ هم له خپل ټاکلي حد څخه د یو میلیارد یورو په اندزاه نور زیات شي. داسې په نظر رسیږي چې د انتخاباتي مبارزې په پام کې نیولو سره سمدلاسه دغه موضوع تر غور لاندې و نه نیول شي.

لوړ قیمت او خراب کیفیت؟

پر دې سربیره د «دېر شپیګل» مجلې د آلمان پوځ له پاره د پوځي تجهیزاتو د ناخواله کیفیت په هکله هم رپوټ ورکړی دی. د غه مجله په خپل رپوټ کې د بیلګې په توګه وایي چې د آلمان پوځ د «اروپا هوایي دفاعي او فضايي شرکت» یا EADS د «یورو فایټر» د جنګي الوتکو له پاره د یوه شرکت د فعالیت اجازه په ۲۰۰۸م کال کې پای ته ورسوله، خو دغه شرکت په ۲۰۱۱م کال بیرته اجازه نامه تر لاسه کړه. خو د آلمان د دفاع وزارت د پوځ د تجهیزاتو په برخه کې د ناوړه کیفیت تورونه ردوي.