1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

ګيلاني:اوساما بن لادن په پاکستان کي نه دی پټ

د پاکستان صدراعظم يوسف رضا ګيلاني د امريکا د متحده ايالاتو د هغه خبري سپيناوي و غوښتس چي وايي اوساما بن لادن په پاکسان کي پټ دﺉ.

د پاکستان صدراعظم يوسف رضا ګيلاني

د پاکستان صدراعظم يوسف رضا ګيلاني

هغه ويلي دي چي د امريکا متحده ايالات بايد دا ثابته کړي چي ګواکي د القاعدې ډلي مشر اوساما بن لادن د پاکستان په خاوره کي پټ دي.

ګيلاني ويلي دي چي بن لادن زموږ په خاوره کي نسته.« که چيري د امريکا متحده ايالات وايي چي هغه په پاکستان کي پټ دی نو دوﺉ بايد ثبوت را وړاندي کړي.»

ګيلاني دغه راز د امريکا د متحده ايالاتو د بهرنيو چارو د وزير هيلري کلينټن هغه خبري رد کړې چي ويلي يې وه:

« د لقاعدې ډلي مشر او په افغانستان کي د طالبانو د تحريک لارښود ملا محمد عمر په پاکستان کي پټ دي».

څو ورځي وړاندي د امریکا د متحده ايالاتو د بهرنيو چارو وزير هيلري کلينټن په اسلام اباد کي په يوه خبري غونډه کي ويلي ول:

« زه فکر کوم چي هغوﺉ دلته په پاکستان کي پټ دي که چيري موږ وکولای سو چي هغوﺉ و نيسو، نو دابه ډيره ګټه ورسوي.»

هغې دغه راز وويل چي « اوساما بن لادن او ملا محمد عمر د امريکا د مهمو دښمنانو په ليست کي دي.»

ag/ زيارمل

کتونکی. ضياالحق فضلي