1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

بشري حقونه

ګوانګ چین دی آزاد کړای سي!

چین ګوانګ چین تر ټولو دمخه په چین کې د یوه کوچني د پیدا کېدو د سیاست پر ضد خپله مبارزه اعلان کړه

ګوانګ چین

ګوانګ چین

کله چې سړی په چین کې د بشري حقونو د مدافع چین ګوانګ چین نوم په تویتر کی ورکړي ، نو هیڅ شی نه لیکل کیږي.

د چین حکومت اوس ډېر اندیښمن دی دا ځکه چې د یو څو اونیو راهیسي په چین کې د انترنت کاروونکې د بشري حقونو د دغه مدافع په کور کې د بندیګرت د وخت د پای ته رسېدو غوښتنه کوي.

دې په اصطلاح د پای لوچه څارنوال په حیث خپل په ټاټوبي شان دونګ کې د هغه ځای اوسېدونکو ته مشورې ورکوي چې د جبري عملیات او کوچني د ایسته کولو د قانون د لاری د ځان څخه دفاع وکړي.

دې په خپل دغه عمل سره نور د چین د حکومت دښمن ګرځېدلۍ دی. په ۲۰۰۵ کال کې چارواکو دې په خپل کور کې تر نظارت لاندی ونیوه .

په ۲۰۰۶ کال کې یوې چینایي محکمې دې په څلور کاله بند محکوم کړ. پر ده باندی د عامه نظم د خرابېدو تور لګېده.

چین ګوانګ چین د تېرکال په سپتمبر کې د زندان څخه راخلاص سو او د هغه راهیسي بیا هم د خپلې مېرمنې او شپږکلنۍ لور سره په خپل کور کې تر نظارت لاندی دی.

نوموړی باندی سره هیڅ ډول اړیکې نه لری. د ده لور حتی اجازه نه لری چې مکتب ته ولاړه سي. همدارنګه داسی آوازې هم موجودي دي چې چین ګوانګ دی لږترلږه یو واری سخت شکنجه سوې هم وي.

د بشري حقونو فعالین د ده د خلاصون د پاره مظاهرې کوي. که څه هم چین ګوانګ چین کاملاً تر نظارت لاندی دی خو بیا هم د چینایی انترنت پاڼي کاروونکي د ده سره خپل پیوستون ښکاره کوی او د هغه څخه ملاتړ کوي.

ځینی بیا د یو تیوب او یوکو په نامه انترنت پاڼی د لاری د ده په ویاړ د اورلوبو فلمونه ښکاره کوي. او ځینی بیا داسی تصویرونه خپروې چې پر سر یې لیکل سوي وي: ګوانګ چین دی آزاد کړای سي!

خو د سانسور چارواکو بیا هغومره چې یې په وسه پوره وي ، کوښښ کوي دغه ډول تصویرونه بند کړي.
آژانسونه/ ګلغوټې پوپل
کتونکی: شمس الرحمان ناصر