1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

مرکې

کونړ: د زياتو امنيتي ستونزو ريښې د پولې آخوا دي

د ډويچه وېله المان ږغ راډيو د کنړ د والي سيد فضل الله وحيدي سره ځانګړې مرکه کړېده چي پکښي هغه د دغه ولايت د زياتو ستونزو لاملونه د کرښي هغې بلي خوا ته موجوده بللي دي.

مرکه

مرکه

مرکه:

ډويچه وېله : تاسو په خپله یوه مرکه کي ویلي ول چي په کونړ کي امنیتي ځواکونه د دفاع توان نلري. په کوم دلیل؟

ځواب: دا په مجموع کي خبره نه ده بلکه په تیرو ورځ کي ایتلافي قواوي دپیچ د درې د دوؤ ولسوالیو نه وتلي دي اوپه یوې ولسوالۍ کي ځای په ځای شویدي. په دغه حالت کي چي دا د همغږۍ دکمیټې د نظره خلاف کار شوی دی او دوی راوتلي دي ځکه نو موږ داخبره کړې ده. که د پلان مطابق څنګه چي زمونږ د امنیتی ارګانونو د همغږۍ اداره فیصله کوي په هغه صورت کی کولای شو په خپلواکه توګه دفاع وکړو.

اوس مشکل دا دی چي زمونږ د هغه ولسوالیو نه چي بهرنیان وتلي دوې میاشتې کیږي خو ولسوالۍ زمونږ په واک کي دي. د بیا رغاونې کارونه هلته نه کیږی ځکه چي د لاري تگ راتگ ته څوک زړه نه ښه کوي. ټاکل شوې ده د دفاع د وزارت لخوا یو بل کنډک هلته ځای په ځای شي.

ډويچه وېله : تاسو دامهال په کونړ کي د امنيت حالت څنګه جاجوئ؟

ځواب : امنیتي حالت په کونړ کي نظر په دې چي یو سرحدي ولایت دی او د پاکستان سره ۲۴۰ کیلومتره واتن لري ستونزي سته دي. زمونږ زیاتره مشکلات د کرښي نه آخوا وي خ په پرتليزه توګه چي ووایو اوس چي هوا ښه شوې ده جنګي خوځښتونه زیات شوي دي. خو د بیا رغاونې په چاروکي کوم جدي مشکل نه دی پیښ شوی.

ډويچه وېله : په کونړ کي د بهرنیو ځواکونو د عملیاتو پرمهال د ملکي تلفاتو ستونزه حل شوې ده که نه؟

ځواب :کله چي دلته بې ګناه ماشومان شهیدان شول د غازي آباد په ولسوالۍ ډیر کسان د منځه تللي ول په څوکۍ ولسوالۍ کي هم دغسي پیښي شوي دي. خو هغه وخت چي جمهوررئیس کونړ ته راغی او د شهیدانو کورنیو ته یې تسلیت ورکړ د خلکو غوسه څه ناڅه سړه شوه.

جمال کوټوال / کابل
کتونکی: احمدولي اڅکزی