1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

که بغدادي ووژل سي، داعش سره پاشل کیږي؟

ابوبکر البغدادي په اول وار د عراق په موصل ښار کې د خلافت اعلان وکړ او ويل کيږي چې اوس هم په دغه ښار کې دی. عراقي ځواکونه اوس د دغه ښار پر لور د پرمختگ په حال کي دي. یو پیشمرگه وایي چې داعش خپل زوال ته نزدې شوی.

د بریتانیا اینډیپنډنټ، ورځپاڼي رپوټ ورکړی دی چې ابوبکر البغدادي اوس هم په موصل ښار کې ژوند کوي. د کردستان سیمې یوه جگپوړي پیشمرگه فواد حسین، يادي ورځپاڼي ته ویلي دي: «بغدادي هلته دی او که چیري په روانو عملیاتو کې ووژل شي، د داعش هر څه سره پاشل کیږي.»

د فواد حسین په باور داعش د بغدادي د لاسه ورکولو په صورت کې د دې توان نه لري چې د هغه ځای ناستی وټاکي. د هغه په خبره هیڅوک د «اسلامي دولت» په لیکو کې د بغدادي اتوریته او نفوذ نه لري.

لکه څرنگه چې فواد حسین وایي، موصل د داعش له پاره ځانگړې معنی لري او بغدادي له تیرو نهو میاشتو راهیسې په دغه ښار کې پټ دی.

فواد حسین اینډیپنډنټ، ورځپاڼي ته ویلي دي چې د داعش ډېر مشران د تیرو میاشتو په نښتو کې وژل شوي دي: «بغدادي ډیر زیات له موصل سره تړلی دی، ځکه چې د داعش قوماندان دلته او په تعلفر کې دي.»

د اینډیپنډنټ، ورځپاڼې رپوټ او د فواد حسین څرگندونې په داسې حال کې خپریږي چې د عراق د امنیتي ځواکونو او کردي پیشمرگه ملیشو له لوري د موصل ښار د کلابندۍ عملیات پای ته نه دي رسیدلي او اوس هم د موصل د کلابندۍ له حلقې څخه د داعشیانو تیښته ممکنه ده.

دغه عملیات څه د پاسه له دوو اونیو راهیسې پېل شوي دي. د دغوعملیاتو له پېل سره سم د سوریې د رقه ښار، پر لور د ترهگرو د تیښتې رپوټونه ورکړل شوي دي.

اړوند مطالب:

 

DW.COM