1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

بشري حقونه

کمپوچيا: د ماينونوقربانيان

د اټکلونوله مخې په کمپوچياکې تراوسه پورې لاهم څلورترشپږميليونه ماينونه ښخ دي، کوم چې دکورنۍ جگړې په ترڅ کې، چې د شپيتمې ميلادي لسيزې په پای کې پيل شوه اوديرش کاله يې دوام وکړ، د بيلابيلو جگړه کونکوخواو لخواايښودل شوي و.

default

د ملگروملتونوله ماشومانوسره د مرسته کونکې ټولنې يونيسف په نوي راپورکې ويل کيږي چې، په کمپوچياکې هره مياشت لږترلږه ٦٠ ماينونه چاودي. د خلکو ٪٨٠ په کليواوبانډوکې، مستقيماً د هغوسيمو څنگ ته ژوندکوي چې ماينونه په کې ايښودل شويدي. د ماين چاودنوهردريم قرباني يوماشوم دی.

څلويښت زره معيوب شوي انسانان
د يونيسف د څرگندونوله مخې تقريباً ۴٠٠٠٠ تنه وگړو په تيروکلونوکې پښې اولاسونه له لاسه ورکړيدي. خواکثريت کورنۍ د عمليات کيدو يا د بدن د مصنوعي غړو د پيرودلولپاره پيسې نه لري. په ځانگړې توگه بيا د ښځواونجونوحالت ډيرخراب دی، ځکه چې هغوۍ له معيوبيدلووروسته، صرف په ډيرې سختۍ سره د ژوندملگري يا ميړونه موندلای شي.

د ماينونو د بنديزلپاره د نړيوال کمپاين د اټکلونوله مخې، له ماينونوڅخه د کمپوچيا بشپړپاکيدل په لسگونو کلونه دوام کولای شي.