1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

کرزي رحیمي ته تبریکي وویله

ولسمشر حامد کرزي، د چهار شنبې په ورځ افغان سوک وهوونکي حمید رحیمي ته د هغه د بریا له کبله تبریکي وویله. رحيمي د سه شنبې په ماښام په کابل کې د لومړي ځل له پاره له یوه تانزانیایي سوک وهوونکي سره مسابقه وکړه چې په اووم روند کې یې له خپل سیال څخه مسابقه وګتله.

د ولسمشرۍ د دفتر له خوا په یوه خپره شوې بیانیه کې راغلي دي چې افغان ولسمشر د حمید رحیمي له تانزانیایي سیال څخه هم مننه کوي چې افغانستان ته راغلی او بیا یې په دې سیالۍ کې ګډون وکړ.

د حمید رحیمي او د هغه د تانزانیايي سیال تر منځ سیالي په کابل کې د لویه جرګې په خیمه کې وشوه. د سیالي لیدو ته ډیر شمیر افغانان راغلي ول.