1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

کرزي د افغاني ملکي وگړو وژنه په کلکه وغندله

د افغانستان ولسمشر حامد کرزي د امريکايي عسکرو لخوا د افغاني ملکي وگړو وژنه په کلکه غندلې ده. کرزي د دغې پېښې پلټنه پيل کړې ده چې د اونۍ په پای کې د امريکايانو په يو کاروان باندې د يو ځانمرگي بريد څخه وروسته شپاړس تنه په ډزو کې وژل شوي وو.

د جلال آباد پېښې تر څنگ په کاپيسا کې هم دا دم نه تنه ملکي وگړي د ناټو د يو هوايي بريد په پايله کې وژل شوي دي

د جلال آباد پېښې تر څنگ په کاپيسا کې هم دا دم نه تنه ملکي وگړي د ناټو د يو هوايي بريد په پايله کې وژل شوي دي

تر نښتو وروسته بيا افغانانو احتجاجي لاريونونه په لاره واچول. څارونکي په دې اند دي چې د ملکي وگړو د وژل کېدو له امله به د بهرنيو ځواکونو د شتون ملاتړ په هېواد کې وار په وار کم شي. دا په داسې حال کې ده چې په کاپيسا کې هم دا دم نه تنه ملکي وگړي د ناټو د يو هوايي بريد په پايله کې وژل شوي دي. د ناټو سرتېري دا مهال د طالبانو د پسرلنيو بريدونو دپاره چمتو والی نيسي.