1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

کای آيده په افغانستان کي د عاجل تحول غوښتنه وکړه

په افغانستان کښي د ملګرو ملتو د هيت مشر کای ايډي تر دوو کلونو ماموريت وروسته د مارچ د مياشتي په آخره کښي د خپل کار څخه ګوښه کيږي

default

ده پرون دخپل ماموريت په اخرني مطبوعاتي کنفرانس کښي وه ويل چه په افغانستان کښي يوچټک تغيراو تحول ته ضرورت دی .

نوريې ډير وخت نه درلودی چه د ژورنالسټانو سره خبري وکي ، خوده دخپل اخرني چانس څخه هم کار واخيستی تر څو دافغانستان په ارتباط يو څود خبرداري ټکي بيان کي .

کاي ايډي داسي ووويل،

«سږکال به دافغانستان دپاره د طالبانو تر ليري کيدو راوروسته يو مهم کال وي. دا داسي يو کال چه په هغه کښي منفي ميلان ته خاتمه ورکول سی چې ،په غير د هغه به دهغه راګرزول ډير ګران تمام سي . »

سربيره پردې د افغانستان دپاره د ملګروملتو( يوناما) نماينده په عين ډول دا تاکيد هم کاوه چې ، خلک بايد ډير ژر د ډيروشيانو انتظارهم ونلري .

کای بيا وايې ،

«په داسي يوه هيواد کښي چه د کړکيچونو اوشخړو له کبله ورته پوره تاوان رسيدلی دی ، په يوه يا دوو کلو کښي پوره کاميابي ممکنه نده. »

UAMA Pressekonferenz in Kabul, Afghanistan

د امريکا جمهورريس اوباما څرګنده کړيده چه ، امريکايې عسکر به د 2011 ميلادي کال په دوبي کښي د افغانستان څخه په وتلو شروع وکي .

کای ايډي د مطبوعاتي کنفرانس په پای کښي د افغانستان دپارلماني انتخاباتو په اړه هم خبري وکړي .څو ورځي دمخه داسي آوازې خپرې سوې چه دافغانستان جمهورريس حامد کرزی د يوه قانون د وضع کولود لاري خارجی څارونکي د شکايتونو د کميسون څخه ليري کول غواړي ،او که چيري دغه کار ترسره سي ، نو نړيواله اغيزه او څارنه به د انتخاباتو پرجريان خورا ضعيفه سي . پدې باب کای ايډه وايې ،

«ما په تيروهفتو کښي د ددغو مسایلو او تشويشو په باب د افغانستان دجمهورريس حامد کرزي سره خبري وکړې ، چه زه او بين امللي ټولنه ددغه قانون په اړه ترديد لرو .»

کای آیده اضافه کوي چه مګر په دې لار کښي تر ډيره حده پوري پرمختګ راغلی دی . د جمهور رياست د انتخاباتو پر مهال د ملګرو ملتو د خاص استازي کای ايده او دده د مرستيال ترمنح شخړي رامنځ ته سوي وې . دده معاون پيټر ګالبريټ پرکای ايډه دا تور لګاوه چه د انتخاباتو دغلطيو په ارتباط ډير څه نه کوي ،او بلاخره يې خپله وظيفه پريښوول .

کای آيډه د مارچ په مياشت کې رخصتيږي ، خو د خپل ماموريت په اخرني وخت کې غواړي چه يوڅو انتقادي ټکو ته اشاره وکي ، او وايي چه په افغانستان کښي اصلي توجه غلطو موضوعګانو ته سويدي . دی وايی ،

«ټولي خبري نظامي اړخو ته متوجه دي . سياسي اواجتماعي برخوته ډيره کمه پاملرنه کيږي . زموږ ستراتيژي ترډيره حده پوري په نظامي هڅو پوري تړلي وه او سياسي اجنډا يوازی په څنګ کې ورسره ملګرې وه .پداسي حال کښي چه بايد سياسياجنډا مو د خپلو کاميابيو اساس ګرزولی وای . »

د طالبانو سره په اخرني وخت کې خبري کول د ايډه په نظر کيدای سي چې د مسلو د حل د راکابو کولو دپاره يو ګام وي ، او زه هم پخپله دداسي خبرو اتروطرفداره او ملګری يم ، اواوس ددې وخت رارسيدلی دی چه خبري وسي .

کاستنر/ګرديوال

کتونکی : محمد قاسم نوري