1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

کابل: پاکستان تر بل هر وخت همکارۍ ته ليوال دی

پاکستان ته د ولسمشر کرزي د سفر وروسته، افغان چارواکي وايي چي پاکستان اوس د افغانستان د سولي په پروسي کي د ونډي اخستو له پاره تر بل هر وخت ليوال دی.

افغان ولسمشر حامد کرزی او د پاکستان لومړی وزير يو سف رضا گيلاني

افغان ولسمشر حامد کرزی او د پاکستان لومړی وزير يو سف رضا گيلاني

په پاکستان کي د طالبانو د پټنځايونو شتوالي، د طالبانو سره د پاکستان د حکومت اړيکو او په دغه هيواد کي ميشت د حقاني شبکې د افغانستان د سولي په بهير کي د پاکستان ښکيلتيا په يو ډير ضروري شرط بدل کړی دی.

د سولي د عالي شورا منشي، محمد معصوم ستانکزی، وايي چي د لومړي وزيرګيلاني سره په کتنه کي، افغان ولسمشر، حامد کرزي، د پاکستان پر حکومت ږغ کړي چي د طالبانو سره مرسته وکړي ترڅو د افغانستان د سولي د بهير سره يو ځای سي.

« د پاکستان سره د خبرواترو پر مهال د افغان پلاوي پيغام ښکاره ؤ او هغه دا چي هغه کسان چي غواړي د افغانستان د سولي د بهير سره يو ځای سي بايد هغوی ته د دغه کار زمينه هم برابره سي.»

د ستانکزي په خبره افغان ولسمشر ويلي چي هغه کسان چي نه غواړي د افغانستان د سولي د بهير سره يوځای سي، هغوی بايد له صحنې و ايستل سي.

« ولسمشر دا هم وويل چي، دوی ته بايد د دې شرايط مساعد نه وي چي خلک د جګړي له پار وهڅوي.»

د افغان ولسمشر وياند، وحيد عمر، هم ويلي چي د افغانستان د دغو غوښتنو په وړاندي پاکستان تر بل هر وخت د همکارۍ ډيره ليوالتيا ښودلې.

«پاکستان زموږ سره ځيني وعدې کړي چي هيله لرم دغه وعدې عملي هم کړي.»

وحيد عمر دا خبره روښانه نه کړه چي د پاکستان حکومت د افغانستان سره کومي مشخصي وعدې کړي.

حامد کرزی په داسي حال کي پاکستان ته په دوه ورځيني سفر تللی ؤ چي د اسامه بن لادن د وژل کيدو وروسته اوس په متحده ايالاتو کي د افغانستان جګړې ته د پای د ټکي د ايښودلو غوښتني ډيري سوي دي.

د پاکستان او افغانستان اړيکي ډير ځلي د دواوړو هيوادونو لخوا پر يو بل د بې اعتمادۍ او په دغو هيوادونو کي د تاوتريخوالي له وجي ترنګلي سوي دي.

که څه هم افغان حکومت څو واره پر طالبانو ږغ کړی چي د سولي د بهير سره يو ځای سي، خو طالبانو بيا هر وخت دغه غوښتني رد کړي دي.

يو شمير کارپوهان په دې اند دي چي په پاکستان کي د اسامه بن لادن وژنه کيدای سي د سولي د پروګرام سره د طالبانو د يوځای کيدو لامل سي.

که څه هم پاکستان د افغانستان په جګړه کي د متحده ايالاتو ملګری دی، خو د دغه هيواد استخباراتي سازمان بيا د طالبانو او القاعدې سره په اړيکو درلودو تورن دی.

اژانسونه/ مسعود جهش

کتونکي: نجيب الله زيارمل

DW.COM