1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

کابل ـ ځانمرګي بريد ۹ انسانان ووژل

د افغانستان په پلازمېنه کابل کي د دفاع وزارت مخي ته ځانمرګي بريد مرګ ژوبله رامنځ ته کړې ده. (آرشيف انځور)

اوډيو واورئ 00:20

دولت وزيري: بريد د دفاع وزارت مخي ته نه بلکه پر سړک سوی دی.

د افغانستان د پلازمېني کابل پوليس وايي چي دغه بريد د شنبې په ورځ د دفاع وزارت مخي ته تر سره سو. زياته سوې چي په دغه بريد کي ۹ کسان وژل سوي او ۱۳ نور ژوبل سوي دي.

د کابل د پوليسو وياند بصير مجاهد رسنيو ته ويلي: «هغه کس چي د چاودېدونکو توکو واسکټ يې اغوستی ؤ، ځان يې د دفاعي چارو د وزارت مخي ته والوزاوه.»

د آلمان د خبري آژانس د خبر له مخي د افغانستان د وسله والو طالبانو وياند ذبيح الله مجاهد په انټرنټي شبکه ټويټر کي د دغه پړه د طالبانو له خوا منلې ده. مجاهد ادعا کړې چي «۲۳ افسران يې وژلي او تر ۲۹ نور يې ژوبل کړي.»

د کابل بريد په داسي حال کي تر سره کيږي چي د افغان حکومت او د طالباانو تر منځ د سولي د خبرو اترو له پاره هلي ځلي ادامه لري.

خو د افغانستان د دفاعي چارو وزير دولت وزيري د آلمان ږغ ته پر تليفون وويل چي بريد د دفاع وزارت مخي ته نه بلکه پر سړک او د مالي چارو د وزارت ته نژدې سوی دی.

د موضوع په اړه ویدیوگانې او غږونه