1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

ډيرو ولایتو ته درایي ورکولوپاڼي اولازم وسایل استول سوي دي

د انتخاباتو خپلواک کمیسیون وایي چي د انتخاباتو د تر سره کیدو دپاره لازم مواد د ملک 14 ولایتو ته رسیدلي، او ډیر ژر به پاته 20 نورو ته هم ورسول سي

default

درایو پاڼي او نور لازم وسایل په لومړي سر کي د انتخاباتو ولایتي مرکزونو ته او وروسته ولسوالیو ته استول کیږي .

دخروګاډياني، موټران، هيليکوپترونه او باروړونکي موټرسایکلونه به د دغو وسایلو د لیږلو لپاره په کار يووړل سي .

د پلان مطابق به انتخابات د نن څخه 22 ورځي وروسته تر سره کیږي.

Wahl Afghanistan 2009 Wahllokal

د انتخاباتو دخپلواک کمیسیون چارواکي که څه هم د 938 انتخاباتي مرکزو تړل کیدو ته مؤجه دلایل وړاندي کوي، خو د امنیت تر څنګ د انتخاباتي روڼ والي مسله ورته ډیره مهمه ده .

د ملک بیلا بیلو برخو ته تر اوسه پوري د رایود پاڼو او نورولازمو موادو په لیږلو کي کومه جدي ستونزه نده رامنځ ته سوې .

د انتخاباتو د کمیسیون ریس فضل احمد معنوي وایي چي تر درو راتلونکو ورځو پوري به درو نورو ولایتو ته هم پاڼي او نور ضروري وسایل واستول سي .

د لومړي ځل دپاره د انتخاباتي موادو په بسته بندۍ کي د کمپیوټري سیستم څخه کار اخیستل سوی ،چي پکښي د لاس وهلو امکان له مینځه ځي .

معنوي هغه آوازې هم رد کړې چي ګواکي داپلا به د رایي ورکولو مرکزونه د شخصي افرادو په کورونو کي جوړیږي :

(( هيڅ کله به هم د ځواکمن کس له کور څخه کار وانه خیستل سي،موږ به دنورو لارو څخه کار واخلو . تاسو به د دې شاهد نسی چي د یو چا په شخصی کور کي مرکز خلاص شوی وي)).

Wahl Afghanistan 2009 Frau an Wahlurne

دا پلا د غزني ولایت یو د هغو ولایتونو څخه دی چي پکښي به ډیر انتخاباتي مرکزونه تړلي پاته وي .

دغلته د تړلو مرکزونو شمیره 107 ښودل سوې ده.

د غزني ولایت وکیل عبدالجبار شیلګری د انتخاباتي کمیسیون په دغه پریکړه خواشینی دی او هغه د انتخاباتو د عمومیت مشخصې ته زیان رسونکې بولي.

عبدالجبار شیلګری:

(( عمده دلیل د مرکزونو د کموالي، نا امني ده . مونږ د امنیتي ارګانو سره ډیر بحث وکړ او هغوی ددې سره موافقه وکړه چي 107 مرکز ونه به بند وي . امنیتي ارګانو د دې تظیمن نسوای کولای چي د دغو مرکزو امنیت ټینګ کړي او متاسفانه چي تړلي پاته سول)).

Wahl Afghanistan 2009 Wahllokal

خو د انتخاباتو د خپلواک کمیسیون ریيس بیا وایي چي دوی د یوه منظم پلان پر اساس د انتخاباتي مرکزونو شمیره را کمه کړې ده .

د ښاغلي معنوي په وینا چي دوی د تیرو انتخاباتو د تجربو پر اساس یو شمير مرکزونه نه پرانیزي . نوموړی وایي ،

(( چي مونږ ځکه د محلاتو شمیره را ټیټه کړه چي دا ځل رایي پاڼي په سخاوت مندانه ډول نه ویشو، مونږ په دقت سره دا پلا د رايي ورکولو پاڼي ولایتو ته استوو او مرکزونه هم ځکه تړلی پاته سول چي امنیت یې نسو ټینګولای او د انتخاباتو دکمیسیون په ګډون مختلفو ادارو یې پرانیستل ضروري و نه بلل)).

د را روانو انتخاباتو د 249 څوکیو دپاره څه باندي 2500 تنو ځانونه نومولي دي .

تر اوسه پوري 90 زره کسانو د انتخاباتي نظارت لپاره اجازه لیکونه تر لاسه کړي او ټاکل سوې ده چي د ولسي جرګې انتخابات د وږي د میاشتي پر 27مه نیټه تر سره سي .

جلالزی

کتونکی : محمد قاسم نوري