1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

چاوراکي: بهرني سرتیرو څلور تنه افغان پولیس وژلي

د افغانستان د بهرنیو چارو وزارت ویلي چې په کندهار کې د ناټو ایتلافي ځواکونو ۴ افغان پولیس په ډزو کې وژلې دي او همدا شان په نا آرامه ولایت غزني کې د پولینډي سرتیرو او افغان پولیسو تر منځ وسله واله نښته رامنځ ته شوې ده.

ارشیف انځور

ارشیف انځور

د ناټو نړیوال ایتلافي ځواکونه افغانستان کی د زرګونو پولیسو او سرتیرو په روزنه بوخت دي. خو کله نا کله د دواړو خوا له خوا پر یو بل د بې باورې داسې پیښې رامنځ ته کیږي.

د کورنیو چارو وزارت له خوا په خپره شوي خبر پاڼه کې راغلي چې د سی شنبي په ورځ بهرنیو ځواکونو د کندهار په ارغنداب ولسوالې کي څلور تنه افغان پولیس وژلي او نور دوه تنه یی ټپیان کړي، خو په دې اړه یی نور جزیات نه دي وړاندي کړي.

د ایساف ویاند ویلې چی د پیښه په اړه د ایساف او افغان پوځ له خوا په ګډه پلټنه روانه ده.

د غزني د پولیس مشر ، دلاور زاهد، ویلي چې په دغه ولایت کې د بهرنيو پوځونو د بیا رغوني یو مرکز ته څیرمه د پولینډي سرتیرو او افغان پولیس تر منځ دوه ساعته جګړه شوې.

هغه زیاته کړې چی پولینډو سرتیرو غوښتل چې د پولیسو پوسته تالاشي کړي، خو پولیسو هغوي ته خبردارې ورکړ چی نږدي رانه شي، خو هغوي ونه دریدل. زاهد ویلي چی په پیښه کې یو پولینډي سرتیرې ټپي شوې.

د ایساف ویاند د پيښه پخلې کړې او ویلې چی د بهرنیو ځواکونو او افغان پولیسو تر منځ د سپکو وسلو ۱۵ دقیقو نښته رامنځ ته شوي. همدا راز هغه ویلې چې لمړني رپورټونه ښایی چی لمړۍ ډز د افغان سرتیرو له خوا شوې دي.

اژانسونه/ سید ریاض
کتونکې: نجیب الله زیارمل