1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

ځانمرگي برید ډیری افغان سرتیري ټپیان کړل

د پکتیا په زرمت ولسوالۍ کې د نړیوالو او افغان ځواکونو په یوه ګډه قرارګاه کې د یوه ځانمرګي برید په ترڅ کي له ۱۰ څخه تر ۴۵ افغان سرتیري ټپیان شوي دي.

په افغانستان کې د ایساف ویاند دAFP خبری آژانس ته ویلي دي چې برید کوونکو د زرمت په نا آرامه ولسوالۍ کې یوه موټر بم ته انفجار ورکړی دئ.

دغه ویاند زیاته کړې ده چې د نړیوالو ځواکونو د سرتیرو د وژلو او یا ټپي کیدو په اړه تر اوسه پوری معلومات نه لري. طالبانو د دغه برید پړه پر خپله غاړه اخیستې ده.

افغان چارواکو ویلي دي چې په پېښه کې څوک وژل شوي نه دي خو ډیر مالي توان ئې اړولی دئ.

دغو چارواکو د مرگ ژوبلې په اړه بیلابیلو رپوټونه ورکړي دي چې له کبله د ټپي شوو کسانو شمیر د لسو او ۴۵ تنو تر منځ اټکل شوی دئ.