1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

پولیسو پر دورتموند لوبډلې شکمن برید کوونکی نیولی

آلماني پولیسو یو ۲۸ کلن کس د دورتموند د لوبډلې په موټر باندې د تیرې اوونۍ د برید په تور نیولی دی. ویل شوي دي چې حرص شکمن کس دغه برید ته هڅولی وو، نه له نړیوالو ترهګرو سره تړاو.

د آلماني رسنیو د جمعې په ورځ خبر ورکړی دی چې آلماني ځانګړو پولیسو یو کس چې د دورتموند فوټبال لوبډلې پر موټر باندې د برید کولو شک پری شوی، نیولی دی.

د آلمان فدرال جنایي پولیسو او د فدرال څارنوالۍ ادارې هم د دغه کس نیول تایید کړي دي. شکمن کس د آلمان توبنګن ښار ته نزدې له یوې سیمې څخه نیول شوی دی.

رسنیو د نیول شوي کس نوم سرګیج ډبلیو، ښولی دی. په آلمان کې په یوه جرم د شکمنو کسانو بشپړ نوم نه خپریږي او د تخلص یوازې لومړی توری یې کارول کیږي. سرګیج آلماني او روسیي تابیعت لري چې ویل شوي دي د برید په ورځ د لوبډلې په هوټل کې میشت وو.

د هغه د هوټل له خونې څخه د برید سیمه ښکاریده چې په کې یو لوبغاړی او یو پولیس ټپیان شول.

چارواکو د دغه ۲۸ کلن تورن کس په اړه څیړنې د تیرې اوونۍ په وروستیو ورځو کې پیل کړې وې. پر هغه باندې د ۲۰ کسانو د وژلو د هڅې تور لګول شوی دی.

ویل کیږي چې دغه کس له نړیوالو ترهګرو سازمانونو سره اړیکه نه لري او برید یې ښایي د حرص له مخې کړی وي. دغه کس داسې پانګونه کړې وه چې که د دورتموند ډلې د اسهامو قیمت رالویدلی وای، نو هغه ګټه کوله.

تر برید وروسته د دورتموند ډلې د اسهامو قیمت یو څه راولوید.