1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

په ۲۰۱۵م کال کې ملکي تلفات تر بل هر وخت ډېر شوي

ملګرو ملتونو ویلي دي چې د ۲۰۱۵م کال په لومړیو شپږو میاشتو کې په افغانستان کې ۱۵۹۲ تنه ملکیان وژل شوي او ۳۳۲۹ تنه نور ټپیان شوي دي. دغه شمیر د تیر کال د همدغه وخت په پرتله یوه سلنه ډېرښت ښيي.

په افغانستان کې د ملګرو ملتونو دفتر یا یوناما ویلي دي چې دغه شمیر د تیر کال د همدې مودې په پرتله یوه سلنه ډېرښت ښيي. خپرې شوي شمیري ښيي چې د وژل شویو کسانو شمیر شپږ سلنه کم شوی دی خو د ټپیانو شمیر بیا د تیر کال همدې مودې په پرتله څلور سلنه ډېر شوی دی.

ویل شوي دي چې پیاده جګړې اوس د ځای پر ځای شویو چاودیدونکو موادو په پرتله ډیر تلفات رامنځته کوي. دا په افغانستان کې د مخ پر ډیریدونکې جګړې څرګندويي کوي.

د یوناما مشر نیکولاس هایسوم، ویلي دي: «په رپوټ کې خپري شوي شمیرې نه شي کولای په افغانستان کې ویره، د ماشومانو جسدونه، میندي او خویندي، زامن او پلورنه، په سمه توګه انځور کړي.»

هغه زیاته کړې ده: «دغه شمېرې غمجنې کورنۍ، حیرانه ټولنه او عادي افغانان نشي انځور ولای. دا په افغانستان کې د جګړې اصلي اغېزې دي.»

رپوټ په داسې حال کې د افغان کورنیو تلفات ښيي چې طالبانو خپل فعالیتونه د افغانستان له سویلې سیمو څخه شمال ته غځولي دي. له بلي خوا دا لومړی دوبی دی چې افغان امنیتي ځواکونه بې له نړیوالو متحدینو د جګړې میدان ته ځي.

د خپرو شمویو شمیرو له مخې د جګړې له کبله د ښځو د تلفاتو کچه ۲۳ سلنه او د ماشومانو تلفات بیا ۱۳ سلنه لوړ شوي دي.

DW.COM