1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

په یو جومات کی په برید کې شپږ کسان ووژل شول

یوه ځانمرګې برید کوونکې د جمعې په ورځ د افغانستان په ختیځ کې د یوه جومات په خوله کې ځانمرګې برید ترسره کړ چې په پایلې کې یې لږ تر لږه شپږ کسان ووژل شول. په وژل شوو کسانو کې د یوې ولسوالۍ قوماندان هم شامل دی.

د کنر ولایت په وروستي برید کې د یو ولسوال په ګډون شپږ کسان وژل شوي دي.

د کنر ولایت په وروستي برید کې د یو ولسوال په ګډون شپږ کسان وژل شوي دي.

د کنر والي، فیض الله وحید، وویل چې پیښه هغه وخت رامنځ ته شوه چې د دغه ولایت د غازي آباد د ولسوالي اوسیدونکې د جمعي د لمانځه وروسته خپلو کورونو ته د ستنیدو په حال کې ول:

«د برید اصلي هدف د غازي آباد د ولسوالۍ د پولیسو قوماندان وو. برید کوونکي د مسجد دروازي ته نږدي خپل ځان وچاوه.»

د غازي آباد د ولسوالۍ د پولیسو قوماندان، یو استخباراتي مامور، دوه پولیس او دوه ملکې کسان په دغې پیښې کې وژل شوي دي. چاودنې اټه نور کسان ټپیان کړي هم دي.

طالبانو د پیښې پړه پر غاړه اخیستې ده. د کنر ولایت چې پاکستان سره ګډه پوله هم لري په تیرو کلونو کې یو له هغو سیمو څخه ده چې په کې د طالبانو او بهرنیو ځواکونو تر منځ ډیر وخت جکړې رامنځ ته کیږي.

په کنړ ولایت کې پر مسجد برید  د کابل او مزارشریف د بریدونو څخه درې ورځې وروسته رامنځ ته شوې ده. په دغو پیښو کې ۶۳ کسانو خپل ژوند له لاسه ورکړ. د کابل او مزارشریف بریدونه په افغانستان کې د خپل ډول لومړي بریدونه دي.

د کابل او مزارشریف د بریدونو وروسته اوس افغان چارواکې بیره لري چې کیدای شي په افغانستان کې هم د پاکستان او عراق په څیر مذهبې جګړه پیل شي.

د طالبانو ویاند په پیښې کې ډیر شمیر پولیسو د وژل کیدو ادعا کړي، خو طالبان ډیری وخت په بریدونو کې د ډیرو تلفاتو د رامنځ کولو د ادعا لپاره شهرت لري.

آژانسونه/ مسعود جهش
کتونکی: عبدالباري حکیم

DW.COM