1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

په کينيا کي پر سېلانيانو بريدونو ۱۵ تنو ته مرگ ژوبله واړوله

په کينيا کي په دوو بمي بريدونو کي لږ تر لږه يو انسان وژل سوی دئ او ۱۴ نور ژوبل سوي دي. دغه چاودني تقريباً پر يوه وخت د مامبوسا په بندري ښار کي تر سره سوي دي. نوموړی ښار د بهرني سېلانيانو د استراحت مرکز بلل کيږي. يوه چاودنه په يوه بار کي او دوهمه چاودنه د سپورټ په يوه لوی لوبغالي کي رامنځ ته سوې ده.

ددې مخکي د گاونډي هيواد صوماليې توندلاري ډلي الشباب د غچ اخيستني له پاره په کينيا کي د بریدونو هوډ څرگند کړی وو. د تير ميلادي کال د اکتوبر په مياشت کي د کينيا پوځ صوماليې ته په دې تور ورننوتلی وو چي الشباب ډلي له کينيا څخه يو بهرنی تښتولی دئ. الشباب د صوماليې د مرکز او سويل زیاتي برخي تر خپل کنترول لاندي لري.