1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

په کونړ کي د نري رنځ ناروغۍ ريښې غځولي

د کونړ روغتيايي چارواکي يادونه کوي چي په هغه ولايت کي د نري رنځ نښي نښاني زياتي تر سترګو کيږي او يو شميرخلک په دغه ناروغي اخته سوي.

کونړ يو غرنۍ ولايت دی او ډيری خلک يې په غرنيو سیمو کي ژوند کوي.

کونړ يو غرنۍ ولايت دی او ډيری خلک يې په غرنيو سیمو کي ژوند کوي.

ډاکټران وايي دغه ناروغي په کونړ کي زياته سوي او خلک هم کوښښ کوي چي ژر ترژر يي درملنه وکړي. ځکه دغه يوه خطرناک ناروغي ده.

د کونړ د وټپور ولسوالي استوګن حمشت الله وايي چي ترډيره وخته ورته دغه ناروغي پيدا سوي وه خو نه پوهيده چي کومه ناروغي به وي خو ورسته بيا معلومه سوه چي نری رنځ دی.

د کونړ ولايت مرکزي روغتون د نري رنځ متخصص حميدالله حميد وايي چي دغه ناروغي ډيره زياته سوې. دهغه په خبره د ناروغۍ د ډيريدوعلت په ولسوالي او غرنيو سيموکي د کلينکونو نه شتون دي.

نوموړی د ياد رنځ د نښونښانو په اړه وايي، چي رنځ د يو ډول ميکروب په واسطه پيدا کيږي چي زياتر سږي او د سږو څخه دباندي غړي ژر ورباندي اخته کيږي.

د کونړولايت د عامي روغتيا ريس اسدالله فضلي وايي چي، په تيرکال کي ۶۰سلنه د دغه ناروغي کچه لوړه سوې چي ډيری ښځي ورباندي اخته دي.

نوموړی وايي اوس مهال د ټولو ولسواليو په سطه لس صحي مرکزونو کي د نري رنځ درملنه کيږي او کوښښ کوي چي ددغي ناروغۍ د کموالو مخه ونيسي.

کونړ چي يو غرني ولايت دي او ډيری خلک يي په کليو اوبانډ کي ژوند کوي نو دا امکان شته چي هغه خلک په دغه ناروغي اخته وي چي، د عامي روغتيا له درملني او راچسترنه پاتي وي.

خو د کونړ د روغتيا چارواکي وايي چي دوی خپل کوښښ کړی ترڅو ددغي ناروغي مخه ونيسي.

شمعه احمدزۍ/ ننګرهار

کتونکی: نجيب الله زيارمل