1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

په کندهار کې د ناټو پر کتار برید شوی

په افغانستان کې میشتو د ناټو ځواکونو د چهارشنبې په ورځ تایید کړه چې یو کتار یې په کندهار کې تر برید لاندې راغلی دی. ناټو روښانه کړې ده چې په پیښه کې یې ځواکونو ته تلفات نه دي رامنځ ته شوي.

په افغانستان کې د ناټو ځواکونو چې د پریکړنده ملاتړ ماموریت په چوکاټ کې فعالیت کوي، د چهارشنبې په ورځ په خپله تویتر ټولنیزه پاڼه کې برید تایید کړی او ویلي يې دی: «برید کوم تلفات نه دي رامنځ کړي.»

ناټو روښانه کړې نه ده چې برید د کوم هیواد سرتیرو پر ضد شوی دی، او یا دا چې د هغوی له ډلې څخه کوم یو یې ټپي شوی دی که نه.

د طالبانو ویاند قاري یوسف احمدي، د برید مسئوليت پرغاړه اخیستی او ویلي یې دي چې پیښه د دامان ولسوالۍ په ښور اندام سیمه کې رامنځ ته شوې ده.