1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

په کابل کې یوه هندۍ ښځه تښتول شوې

یوه څلویښت کلنه هندۍ چې په کابل کې یې له یوه نړیوال پراخیتايي آژانس سره کار کاوه، د افغان چارواکو په وینا، نامعلومه وسله والو تښتولې ده.

د آلمان خبري آژانس د افغانستان د کورنیو چارو وزارت د ویاند صدیق صدیقي، له قوله لیکلي دي: «د کابل پولیسو په دې هکله چې هغه چیري بیول شوې ده، څېړني پیل کړي دي.»

دغه ښځه د پنجشنبې په ماښام تښتول شوې ده او مسئوليت ئې تر اوسه پوري چا پر غاړه اخيستی نه دی.

د پولیسو په وینا دغي ښځي له یوه غیر دولتي سازمان آغا فاونډیشن سره کار کاوه چې د ساتنې او بیا رغاوني په برخه کې فعالیت کوي.

د ياد خبري آژانس په حواله په وروستیو وختونو کې د بهرنیو مرستندویه کارکوونکو د برمته نیوني په پيښو کې ډېرښت لیدل کیږي.

په اپریل میاشتې کې په ختیځ ولایت ننگرهار کې یوه آسترالیایي مېرمن وتښتول شوه او په مارچ میاشت کې بیا دوه بنگله دیشي اتباع په کندز ولایت کې تښتول شوي ول.